ਕੀਵ: ਦੱਖਣੀ ਯੂਕਰੇਨ ਦੇ ਖੇਰਸਨ ਖ਼ਿੱਤੇ 'ਚ ਰੂਸ ਵੱਲੋਂ ਥਾਪੇ ਗਏ ਅਧਿਕਾਰੀ ਕਿਰਿਲ ਸਟ੍ਰੈਮੋਸੋਵ ਨੇ ਕਿਹਾ ਕਿ ਇਲਾਕੇ 'ਚੋਂ ਰੂਸ ਨੂੰ ਅਨਾਜ ਭੇਜਿਆ ਜਾ ਰਿਹਾ ਹੈ। ਇਸੇ ਤਰ੍ਹਾਂ ਸੂਰਜਮੁਖੀ ਬੀਜਾਂ ਦੀ ਫ਼ਸਲ ਵੀ ਰੂਸੀ ਕਾਰਖਾਨਿਆਂ ਨੂੰ ਭੇਜੀ ਜਾ ਰਹੀ ਹੈ। ਉਧਰ ਯੂਕਰੇਨ ਨੇ ਰੂਸ 'ਤੇ ਅਨਾਜ ਤੇ ਖੇਤੀ ਸਾਜ਼ੋ-ਸਾਮਾਨ ਲੁੱਟਣ ਦਾ ਦੋਸ਼ ਲਾਇਆ ਹੈ। ਅਮਰੀਕਾ ਨੇ ਦੋਸ਼ ਲਾਇਆ ਕਿ ਰੂਸ ਵੱਲੋਂ ਯੂਕਰੇਨ 'ਤੇ ਫ਼ਸਲ ਦੀ ਬਰਾਮਦਗੀ ਰੋਕਣ ਕਾਰਨ ਆਲਮੀ ਖੁਰਾਕ ਸਪਲਾਈ 'ਤੇ ਅਸਰ ਪਿਆ ਹੈ। -ਏਪੀ
ਨਵੀਂ ਦਿੱਲੀ, 28 ਮਈ
ਖ਼ਤਰਨਾਕ ਇਸਲਾਮਿਕ ਅਤਿਵਾਦੀ ਸੰਗਠਨ ਆਈਐੱਸਆਈਐੱਸ ਦੇ ਨਵੇਂ ਸੁਪਰੀਮੋ ਨੂੰ ਤੁਰਕੀ ਦੇ ਸੁਰੱਖਿਆ ਬਲਾਂ ਨੇ ਅਪਰੇਸ਼ਨ ਦੌਰਾਨ ਗ੍ਰਿਫ਼ਤਾਰ ਕਰ ਲਿਆ ਹੈ। ਤੁਰਕੀ ਦੀ ਨਿਊਜ਼ ਵੈੱਬਸਾਈਟ ਓਡਾਟੀਵੀ ਅਨੁਸਾਰ, 'ਆਈਐੱਸਆਈਐਸ ਦੇ ਮੁਖੀ ਅਬੂ ਅਲ-ਹਸਨ ਅਲ-ਕੁਰੈਸ਼ੀ ਨੂੰ ਤੁਰਕੀ ਦੀ ਅਤਿਵਾਦ ਵਿਰੋਧੀ ਪੁਲੀਸ ਅਤੇ ਖੁਫੀਆ ਏਜੰਟਾਂ ਨੇ ਪਿਛਲੇ ਹਫਤੇ ਇਸਤਾਂਬੁਲ ਵਿੱਚ ਖੁਫ਼ੀਆ ਕਾਰਵਾਈ ਦੌਰਾਨ ਗ੍ਰਿਫ਼ਤਾਰ ਕੀਤਾ ਹੈ।
ਦੁਬਈ, 26 ਮਈ
ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਦੀ ਰਾਜਧਾਨੀ ਅਬੂ ਧਾਬੀ ਵਿੱਚ ਇਸ ਹਫਤੇ ਦੇ ਸ਼ੁਰੂ ਵਿੱਚ ਰੇਸਤਰਾਂ ਵਿੱਚ ਗੈਸ ਸਿਲੰਡਰ ਫਟਣ ਕਾਰਨ ਇੱਕ ਭਾਰਤੀ ਅਤੇ ਇੱਕ ਪਾਕਿਸਤਾਨੀ ਨਾਗਰਿਕ ਦੀ ਮੌਤ ਹੋ ਗਈ। ਮੀਡੀਆ ਰਿਪੋਰਟ ਮੁਤਾਬਕ ਧਮਾਕੇ 'ਚ 120 ਵਿਅਕਤੀ ਜ਼ਖ਼ਮੀ ਹੋਏ, ਜਿਨ੍ਹਾਂ 'ਚੋਂ 106 ਭਾਰਤੀ ਨਾਗਰਿਕ ਹਨ।
ਵਾਸ਼ਿੰਗਟਨ, 26 ਮਈ
ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ਪਿਛਲੇ ਛੇ ਸਾਲਾਂ ਦੌਰਾਨ ਉਪਭੋਗਤਾਵਾਂ ਦੇ ਡੇਟਾ ਨੂੰ ਗੁਪਤ ਰੱਖਣ ਵਿੱਚ ਅਸਫ਼ਲ ਰਹਿਣ ਲਈ 15 ਕਰੋੜ ਦਾ ਜੁਰਮਾਨਾ ਅਦਾ ਕਰੇਗਾ। ਇਸ ਦੇ ਨਾਲ ਹੀ ਟਵਿੱਟਰ ਯੂਜ਼ਰਸ ਦੇ ਡੇਟਾ ਦੀ ਸੁਰੱਖਿਆ ਲਈ ਨਵੇਂ ਨਿਯਮ ਬਣਾਏਗਾ। ਨਿਆਂ ਵਿਭਾਗ ਅਤੇ ਸੰਘੀ ਵਪਾਰ ਕਮਿਸ਼ਨ ਨੇ ਬੁੱਧਵਾਰ ਨੂੰ ਟਵਿੱਟਰ ਨਾਲ ਝਗੜਾ ਨਿਬੇੜਨ ਦਾ ਐਲਾਨ ਕੀਤਾ।
2024-09-19 19:42:33