ਲੁਸਾਨੇ, 4 ਜੂਨ
ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਹਾਕੀ ਦੀ ਨਵੀਂ ਵੰਨਗੀ ਐਫਆਈਐਚ ਹਾਕੀ 5 ਵਿੱਚ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਮੇਜ਼ਬਾਨ ਸਵਿਟਜ਼ਰਲੈਂਡ ਨੂੰ 4-3 ਨਾਲ ਹਰਾ ਕੇ ਕੀਤੀ ਜਦਕਿ ਕੱਟੜ ਵਿਰੋਧੀ ਪਾਕਿਸਤਾਨ ਨਾਲ 2-2 ਨਾਲ ਡਰਾਅ ਖੇਡਿਆ। ਦੂਜੇ ਪਾਸੇ ਭਾਰਤੀ ਮਹਿਲਾ ਟੀਮ ਦਾ ਦਿਨ ਖਰਾਬ ਰਿਹਾ। ਇਹ ਟੀਮ ਉਰੂਗੁਏ ਅਤੇ ਪੋਲੈਂਡ ਤੋਂ ਹਾਰ ਗਈ।
ਅਲਮਾਟੀ, 4 ਜੂਨ
ਵਿਸ਼ਵ ਅਤੇ ਏਸ਼ੀਅਨ ਚੈਂਪੀਅਨਸ਼ਿਪ 'ਚ ਕਾਂਸੇ ਦਾ ਤਗਮਾ ਜਿੱਤਣ ਵਾਲੀ ਸਰਿਤਾ ਮੋਰ ਨੇ ਬੋਲਾਤ ਤੁਰਲੀਖਾਨੋਵ ਕੁਸ਼ਤੀ ਕੱਪ ਦੇ 59 ਕਿਲੋਗ੍ਰਾਮ ਭਾਰ ਵਰਗ 'ਚ ਸੋਨ ਤਗਮਾ ਜਿੱਤਿਆ ਹੈ। ਇਸੇ ਤਰ੍ਹਾਂ ਮਨੀਸ਼ਾ ਨੇ 65 ਕਿਲੋਗ੍ਰਾਮ ਭਾਰ ਵਰਗ 'ਚ ਖ਼ਿਤਾਬ ਜਿੱਤਿਆ। ਇਹ ਉਸ ਦਾ ਪਹਿਲਾ ਕੌਮਾਂਤਰੀ ਸੋਨ ਤਗਮਾ ਹੈ। ਇਕ ਹੋਰ ਮਹਿਲਾ ਭਲਵਾਨ ਬਿਪਾਸ਼ਾ ਨੂੰ 72 ਕਿਲੋਗ੍ਰਾਮ ਭਾਰ ਵਰਗ 'ਚ ਚਾਂਦੀ ਦੇ ਤਗਮੇ ਨਾਲ ਸਬਰ ਕਰਨਾ ਪਿਆ। -ਪੀਟੀਆਈ
ਪੈਰਿਸ, 3 ਜੂਨ
ਸਪੈਨਿਸ਼ ਖਿਡਾਰੀ ਰਾਫੇਲ ਨਡਾਲ ਫਰੈਂਚ ਓਪਨ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪਹੁੰਚ ਗਿਆ ਹੈ। ਸੈਮੀ ਫਾਈਨਲ ਵਿੱਚ ਉਸ ਦਾ ਮੁਕਾਬਲਾ ਜਰਮਨੀ ਦੇ ਅਲੈਗਜ਼ੈਂਡਰ ਜ਼ੈਵੇਰੇਵ ਨਾਲ ਸੀ। ਜਰਮਨੀ ਦੇ ਖਿਡਾਰੀ ਨੂੰ ਸੱਟ ਕਾਰਨ ਮੈਚ ਵਿਚਾਲੇ ਛੱਡਣਾ ਪਿਆ। ਉਸ ਮੌਕੇ ਰਾਫੇਲ ਨਡਾਲ 7-6, 6-6 ਦੇ ਸਕੋਰ ਨਾਲ ਅੱਗੇ ਸੀ। -ਏਜੰਸੀ
ਜਕਾਰਤਾ, 1 ਜੂਨ
ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਅੱਜ ਇਥੇ ਏਸ਼ੀਆ ਕੱਪ ਵਿੱਚ ਜਾਪਾਨ ਨੂੰ 1-0 ਨਾਲ ਹਰਾ ਕੇ ਕਾਂਸੀ ਦਾ ਤਗ਼ਮਾ ਜਿੱਤ ਲਿਆ।
ਪੈਰਿਸ, 30 ਮਈ
ਰੂਸ ਦੀ ਡਾਰੀਆ ਕਾਸਤਕਿਨਾ ਫਰੈਂਚ ਓਪਨ ਟੈਨਿਸ ਟੂਰਨਮੈਂਟ ਦੇ ਕੁਆਰਟਰ ਫਾਈਨਲ 'ਚ ਪਹੁੰਚ ਗਈ ਹੈ। ਕਾਸਤਕਿਨਾ ਨੇ ਇਟਲੀ ਦੀ ਕੈਮਿਲਾ ਗਿਓਰਗੀ ਨੂੰ 6-2, 6-2 ਨਾਲ ਹਰਾ ਕੇ ਕੁਆਰਟਰ ਫਾਈਨਲ 'ਚ ਜਗ੍ਹਾ ਬਣਾਈ ਹੈ ਜਿੱਥੇ ਉਸ ਦਾ ਮੁਕਾਬਲਾ ਵੈਰੋਨਿਕਾ ਕੁਦੇਰਮੋਟੋਵਾ ਨਾਲ ਹੋਵੇਗਾ। ਵੈਰੋਨਿਕਾ ਨੇ ਮੈਡਿਸਨ ਕੀਜ਼ ਨੂੰ ਹਰਾ ਕੇ ਕੁਆਰਟਰ ਫਾਈਨਲ 'ਚ ਜਗ੍ਹਾ ਬਣਾਈ ਹੈ।
ਚੇਨਈ, 27 ਮਈ
ਨੌਜਵਾਨ ਭਾਰਤੀ ਗ੍ਰੈਂਡਮਾਸਟਰ ਆਰ ਪ੍ਰਗਯਨੰਦ ਸ਼ੁੱਕਰਵਾਰ ਨੂੰ ਮੇਲਟਵਾਟਰ ਚੈਂਪੀਅਨਜ਼ ਟੂਰ ਚੈਸੇਬਲ ਮਾਸਟਰਜ਼ 2020 ਆਨਲਾਈਨ ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਵਿਸ਼ਵ ਦੇ ਦੂਜੇ ਨੰਬਰ ਦੇ ਖਿਡਾਰੀ ਡਿੰਗ ਲੀਰੇਨ ਤੋਂ ਸਖ਼ਤ ਟਾਈ-ਬ੍ਰੇਕਰ ਵਿੱਚ ਹਾਰ ਗਿਆ। ਚੇੱਨਈ ਦੇ 16 ਸਾਲਾ ਪ੍ਰਗਯਾਨੰਦ ਨੇ ਪਹਿਲਾ ਸੈੱਟ ਗੁਆਉਣ ਤੋਂ ਬਾਅਦ ਦੂਜਾ ਸੈੱਟ ਜਿੱਤ ਲਿਆ ਪਰ ਇਸ ਤੋਂ ਬਾਅਦ ਦੋ ਬਾਜ਼ੀਆਂ ਦੇ ਬਲਿਟਜ਼ ਟਾਈਬ੍ਰੇਕਰ ਵਿੱਚ ਹਾਰ ਗਿਆ।
2024-09-19 04:09:13