Noyabr ayının 29-da Dövlət Sərhəd Xidmətinin (DSX) Sərhəd Qoşunlarının Qazax Əlahiddə Sərhəd Divizyasının müddətli həqiqi hərbi xidmət hərbi qulluqçusu Nuriyev Kənan Hafiz oğlu odlu silahdan atəş açaraq özünə xəsarət yetirib.

Bu barədə “Poliqon”a DSX-nin mətbuat mərkəzindən məlumat verilib.

Hərbi qulluqçuya ilkin tibbi yardım göstərildikdən dərhal sonra Qazax Rayon Mərkəzi Xəstəxanasına çatdırılıb, oradan isə Gəncə Mərkəzi Klinikasına köçürülüb, müalicəsinə ixtisaslaşmış və peşəkar həkimlər cəlb olunub. Vəziyyəti ağır olaraq qiymətləndirilir.

Faktla əlaqədar prokurorluq orqanlarının əməkdaşları ilə birlikdə araşdırma tədbirləri həyata keçirilir.

Poliqon.az

The post DSX-nin hərbi qulluqçusu odlu silahdan atəş açaraq özünə xəsarət yetirib appeared first on Poliqon.az.

Noyabrın 30-u saat 19:40-da Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Bəzirxana yaşayış məntəqəsi istiqamətində yerləşən mövqelərini müxtəlif çaplı atıcı silahlardan atəşə tutub.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Məlumatda bildirilib ki, Azərbaycan Ordusunun bu istiqamətdə yerləşən bölmələri tərəfindən adekvat cavab tədbirləri görülüb.

Poliqon.az

The post Müdafiə Nazirliyi: Kəlbəcərdə mövqelərimiz atəşə tutulub appeared first on Poliqon.az.

Noyabrın 30-u saat 14:40-dan saat 15:50-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Ordumuzun Şuşa və Ağdam rayonları istiqamətlərində yerləşən mövqeləri müxtəlif çaplı atıcı silahlardan fasilələrlə atəşə tutulub.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Qeyd olunan istiqamətlərdə yerləşən bölmələrimiz tərəfindən adekvat cavab tədbirləri görülüb.

Poliqon.az

The post Ermənilər Rusiya sülhməramlılarının yerləşdiyi Azərbaycan ərazisindən Şuşa və Ağdamı atəşə tutub appeared first on Poliqon.az.

Amerika Birləşmiş Ştatlarına səfəri çərçivəsində müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev ABŞ Milli Qvardiya Bürosunun rəisi general Daniel Hokanson ilə görüşüb.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Tərəflər “Ştatla Tərəfdaşlıq Proqramı” çərçivəsində hərbi əməkdaşlığın cari vəziyyəti və perspektivlərini, həmçinin qarşılıqlı maraq doğuran digər məsələləri müzakirə ediblər.

Görüşdə Azərbaycan Respublikasının Amerika Birləşmiş Ştatlarındakı səfiri Xəzər İbrahim də iştirak edib.

Poliqon.az

The post Kərim Vəliyev ABŞ Milli Qvardiya Bürosunun rəisi ilə görüşüb appeared first on Poliqon.az.

2022-ci ilin döyüş hazırlığı planına əsasən Azərbaycan Ordusunda “Snayper hazırlığı kursu” keçirilir.

Müdafiə Nazirliyinin mətbuat xidmətindən “Poliqon”a verilən məlumata görə, tədris proqramına uyğun olaraq yüksək hərbi biliyə və təcrübəyə malik zabitlər tərəfindən kursantlara müxtəlif snayper silahlarının taktiki-texniki xüsusiyyətləri və onların istismar qaydaları öyrədilir.

İştirakçıların snayper silahından istifadə vərdişlərinin artırılması üçün praktiki atışlar icra edilir.

Hərbi qulluqçuların döyüş qabiliyyətinin daha da yüksəldilməsi məqsədilə təşkil olunan kursu müvəffəqiyyətlə bitirənlərə sertifikatlar təqdim ediləcək.

Poliqon.az

The post Azərbaycan Ordusunda “Snayper hazırlığı kursu” keçirilir – VİDEO appeared first on Poliqon.az.

Amerika Birləşmiş Ştatlarında səfərdə olan müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev ABŞ-ın Birləşmiş Qərargahlar Rəisləri Komitəsi rəisinin birinci müavini admiral Kristofer Qreydi ilə görüşüb.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Görüşdə Azərbaycan ilə ABŞ arasında hərbi əməkdaşlığın perspektivləri və regional təhlükəsizlik məsələləri müzakirə olunub.

Poliqon.az

The post Pentaqonda Azərbaycan və ABŞ arasında hərbi əməkdaşlığın perspektivləri müzakirə olunub appeared first on Poliqon.az.

Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin rəhbərlik etdiyi nümayəndə heyəti Amerika Birləşmiş Ştatlarında səfərdədir.

Müdafiə Nazirliyinin mətbuat xidmətindən “Poliqon”a verilən məlumata görə, səfər zamanı nümayəndə heyətinin ABŞ-ın hərbi rəhbərliyi və “Ştatla Tərəfdaşlıq Proqramı” çərçivəsində Oklahoma ştatında görüşlərin keçirilməsi planlaşdırılır.

Qeyd edək ki, səfər çərçivəsində Azərbaycan Ordusu ilə Oklahoma Milli Qvardiyası arasında əməkdaşlığın 20 illiyi münasibətilə bir sıra tədbirlər təşkil olunacaq.

Poliqon.az

The post Azərbaycan Ordusunun Baş Qərargah rəisinin ABŞ-a səfəri başlayıb appeared first on Poliqon.az.

Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.

Minatəmizləmə Agentliyindən “Poliqon”a verilən məlumata görə, təmizləmə əməliyyatları Tərtər, Ağdam, Xocavənd, Füzuli, Zəngilan, Qubadlı, Cəbrayıl, Laçın rayonları və Şuşa şəhəri ərazisində aparılıb.

2022-ci il noyabrın 21-dən 26-na qədər aparılan minatəmizləmə əməliyyatları zamanı 321 ha ərazi yoxlanılıb, 2 ədəd piyada və 10 ədəd tank əleyhinə mina, 248 ədəd PHS aşkar olunaraq zərərsizləşdirilib.

Poliqon.az

The post ANAMA daha 321 hektar ərazini mina və PHS-lərdən təmizləyib appeared first on Poliqon.az.

Mərkəzi icra hakimiyyəti orqanlarının, digər qurumların rəhbərlərinin 2022-ci ilin dekabr ayında şəhər və rayonlarda vətəndaşların qəbulu cədvəlinə uyğun olaraq 15 dekabr 2022-ci il tarixdə saat 10:00-da Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) rəisi, general-polkovnik Arzu Rəhimov Ağstafada Gədəbəy, Tovuz, Ağstafa və Qazax rayonlarından olan vətəndaşların qəbulunu həyata keçirəcək.

SHXÇDX-nin mətbuat mərkəzindən “Poliqon”a verilən məlumata görə, qəbula yazılmaq istəyən vətəndaşların 12 dekabr 2022-ci il tarixədək SHXÇDX-nın adları qeyd olunan rayon şöbələrinə, həmçinin rəsmi elektron poçt ünvanına (info@seferberlik.gov.az) müraciət edərək qeydiyyatdan keçmələri zəruridir.

Poliqon.az

The post SHXÇDX-nin rəisi Ağstafada vətəndaşların qəbulunu həyata keçirəcək appeared first on Poliqon.az.

Azərbaycan Ordusunun hərbi qulluqçusu əsgər Mirzəzadə Nurəddin Burhan oğlu ehtiyatsızlıqdan baş vermiş bədbəxt hadisə nəticəsində vəfat edib.

Bu barədə “Poliqon”a Müdafiə Nazirliyinin mətbua xidmətindən məlumat verilib.

Faktla bağlı araşdırma aparılır.

Poliqon.az

The post Azərbaycan Ordusunun hərbi qulluqçusu vəfat edib appeared first on Poliqon.az.

Noyabrın 26-sı saat 22:35-dən noyabrın 27-si saat 08:37-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Ordumuzun Xocavənd, Füzuli, Tərtər və Ağdam rayonları istiqamətlərində yerləşən mövqeləri fasilələrlə atəşə tutulub.

Müdafiə Nazirliyinin mətbuat xidmətindən “Poliqon”a bildirilib ki, Azərbaycan Ordusunun bölmələri tərəfindən adekvat cavab tədbirləri görülüb.

Poliqon.az

The post Azərbaycan Ordusunun Xocavənd, Füzuli, Tərtər və Ağdam istiqamətlərində mövqeləri atəşə tutulub appeared first on Poliqon.az.

Türkiyə, Pakistan və Azərbaycan əməkdaşlığı sürətlə inkişaf edir.

“Poliqon” “Anadolu Ajansı”na istinadən xəbər verir ki, bunu Türkiyə Prezidenti Rəcəb Tayyib Ərdoğan İstanbulda səfərdə olan Pakistanın Baş naziri Şahbaz Şəriflə birgə keçirilən mətbuat konfransında söyləyib.

Türkiyə Prezidenti görüşmələrdə ikili əməkdaşlıqlarla yanaşı ortaq gündəmdə yer alan önəmli regional və beynəlxalq məsələlər ətrafında da fikir mübadiləsi apardıqlarını bildirib.

“Qardaş Pakistan və can Azərbaycanla üçlü formatdakı əməkdaşlığımız sürətlə inkişaf edir”, – deyə Prezident Rəcəb Tayyib Ərdoğan vurğulayıb.

Poliqon.az

The post Ərdoğan: Türkiyə, Pakistan və Azərbaycan əməkdaşlığı sürətlə inkişaf edir appeared first on Poliqon.az.

Rusiya sülhməramlılarının müvəqqəti yerləşdirildiyi Azərbaycan ərazisindəki qeyri-qanuni erməni silahlı dəstələrinə məxsus kvadrokopter noyabrın 26-sı saat 11:28-də Xocalı rayonunun Şuşakənd yaşayış məntəqəsi, 11:46-da isə Ağdam rayonunun Yeddi Xırman yüksəkliyi ətrafında Azərbaycan Ordusunun bölmələrinin mövqeləri üzərində kəşfiyyat məqsədli uçuşlar həyata keçirməyə cəhd göstərib.

Müdafiə Nazirliyinin mətbuat xidmətindən “Poliqon”a verilən məlumata görə, Azərbaycan Ordusunun bölmələrinin sayıqlığı nəticəsində aşkar edilən kvadrokopter xüsusi üsulla endirilərək ələ keçirilib.

Poliqon.az

The post Rusiya sülhməramlılarının yerləşdirildiyi Azərbaycan ərazisindəki erməni silahlı dəstələrinin kvadrokopteri zərərsizləşdirilib appeared first on Poliqon.az.

Birinci və İkinci Qarabağ müharibəsinin iştirakçısı, “Qarabağ” ordenli, Hərbi Hava Qüvvələrinin sabiq komandan müavini, polkovnik Mais Orucəliyev Türkiyədə vəfat edib.

“Poliqon” xəbər verir ki, polkovnik Mais Orucəliyev uzunsürən xəstəlikdən dünyasını dəyişib.

Qeyd edək ki, bir ildən çoxdur ehtiyatda olan Mais Orucəliyev Biləsuvarda dəfn ediləcək.

Mais Orucəliyev 2016-cı ildə “Hərbi xidmətə görə” medalı və  2020-ci ildə  “Zəfər” ordeni ilə təltif olunub.

Poliqon.az

The post Polkovnik Mais Orucəliyev vəfat edib appeared first on Poliqon.az.