ASELSAN şirkəti “Hava Trafik Radar Sistemi”nin (HTRS) ilk partiyasını Türkiyə Hərbi Hava Qüvvələri Komandanlığına təhvil verib.

“Poliqon” xəbər verir ki, bununla bağlı SSB başqanı İsmail Dəmir özünün “Twitter” hesabında paylaşım edib.

İsmail Dəmir bildirib ki, HTRS radar sistemi SSB tərəfindən başladılan layihə əsasında ASELSAN və onun yerli subpodratçıları tərəfindən həyata keçirilib.

Layihə çərçivəsində HTRS-in rabitə, radar və qeyd sistemlərini ASELSAN, proqram təminatını isə TÜBİTAK şirkəti hazırlayıb.

Qeyd edək ki, həm hərbi, həm də mülki məqsədlər üçün istifadə olunacaq radar sistemi 2024-cü ilin sonuna kimi 11 hava limanında xidmətə veriləcək.

Poliqon.az

The post ASELSAN HTRS radar sisteminin ilk partiyasını Türkiyə HHQ-ə təhvil verib appeared first on Poliqon.az.

Təsdiq olunmuş 2022-ci tədris ili üçün hazırlıq planına əsasən Quru Qoşunlarında “Ən yaxşı Əməliyyat (komando) bölüyü” adı uğrunda yarış keçirilib.

Müdafiə Nazirliyinin mətbuat xidmətindən “Poliqon”a verilən məlumata görə, yarışda iştirak edən komandolardan ardıcıl olaraq sıra baxışı, fiziki hazırlıq, atəş hazırlığı və taktiki hazırlıq üzrə məqbullar qəbul edilib.

Hərbi qulluqçuların bilik və bacarıqlarının inkişaf etdirilməsi məqsədilə keçirilən yarışın mərhələləri üzrə verilən tapşırıqlar komandolar tərəfindən müvəffəqiyyətlə icra edilib.

Poliqon.az

The post Quru Qoşunlarında komandolar arasında yarış keçirilib appeared first on Poliqon.az.

Dekabrın 7-si saat 12:45 radələrində Rusiya sülhməramlı kontingentinin müvəqqəti yerləşdiyi Azərbaycan ərazisində olan qeyri-qanuni erməni silahlı dəstələrinin üzvləri tərəfindən Azərbaycan Ordusunun Kəlbəcər rayonunun Ağqaya yaşayış məntəqəsi istiqamətində yerləşən mövqeyi atəşə tutulub.

Müdafiə Nazirliyinin mətbuat xidmətindən “Poliqon”a verilən məlumata görə, Azərbaycan Ordusunun bölmələri tərəfindən adekvat cavab tədbirləri görülüb.

Poliqon.az

The post Azərbaycan Ordusunun Kəlbəcər istiqamətindəki mövqeyi atəşə tutulub appeared first on Poliqon.az.

Milli Müdafiə Universitetində NATO-nun “Müdafiə təhsilinin genişlənməsi proqramı” çərçivəsində “Distant təhsil üzrə sistem administratorlarının hazırlanması” üzrə treyninq keçirilir.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Distant təhsil üzrə NATO-nun aparıcı mütəxəssisləri tərəfindən Milli Müdafiə Universitetinin aidiyyəti nümayəndələrinə veb əsaslı təlim idarəetmə sistemi (ILIAS) platforması, platformanın imkanları və funksiyaları, multimedianın yaradılması və digər mövzularda məşğələlər keçirilir.

Dekabrın 9-dək davam edəcək treyninqin sonunda iştirakçılara sertifikatlar təqdim olunacaq.

Poliqon.az

The post NATO-nun “Müdafiə təhsilinin genişlənməsi proqramı” çərçivəsində treyninq keçirilir appeared first on Poliqon.az.

Türkiyənin Konya şəhərində “Türk Ulduzları”na aid F-5 tipli təyyarə qəzaya uğrayıb.

“Poliqon” xəbər verir ki, bu barədə Türkiyə Milli Müdafiə Nazirliyinin (MSB) mətbuat xidməti məlumat yayıb.

Məlumat bildirilib ki, qəzaya səbəb təyyarəinin quşla toqquşması və nəticədə mühərikinin durması səbəb olub.

Qəza zamanı katapult vasitəsi ilə təyyarədən atlayan pilot sağ qurtulub. Daha sonra müəyyən tibbi yoxlanışların aparılması üçün xəstəxanaya yerləşdirilən pilotun vəziyyətinin yaxşı olduğu qeyd edilib.

Poliqon.az

The post Türkiyədə F-5 təyyarəsi qəzaya uğrayıb appeared first on Poliqon.az.

Türkiyənin Hərbi Hava Qüvvələrinə məxsus F-16 döyüş təyyarələri Azərbaycana gəlib.

Bu barədə “Poliqon” Türkiyənin Milli Müdafiə Nazirliyinin mətbuat xidmətinə istinadən məlumat verib.

“Azərbaycanda keçirilən Türkiyə-Azərbaycan birgə hərbi təlimində Hərbi Hava Qüvvələrimiz də F-16 təyyarələri ilə iştirak edir”, – deyə Türkiyənin Milli Müdafiə Nazirliyindən bildirilib.

The post Türkiyənin F-16 döyüş təyyarələri Azərbaycana gəlib – VİDEO appeared first on Poliqon.az.

Azərbaycan Ordusu və Türkiyə Silahlı Qüvvələrinin müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikası, həmçinin hərbi aviasiya vasitələrinin cəlb olunması ilə keçirilən təlimlərinə Türkiyənin ATAK helikopterləri də cəlb edilib.

“Poliqon”un məlumatına görə, birgə təlimlərdə müasir döyüş üsullarından istifadə etməklə ATAK helikopterləri ilə müxtəlif hərbi əməliyyat tapşırıqları icra edilir.

Qeyd edək ki, artıq bir neçə dəfədir ki, Azərbaycan və Türkiyə Silahlı Qüvvələrinin birgə hərbi təlimində ATAK helikopteri Azərbaycan şərtlərində test edilib və üstün qabiliyyətlərini sərgiləmək fürsəti qazanıb.

Poliqon.az

The post Türkiyənin ATAK helikopteri Azərbaycanda test edilib appeared first on Poliqon.az.

Türkiyənin milli müdafiə naziri Hulusi Akar Azərbaycanda keçirilən birgə hərbi təlimləri izləmək məqsədilə bugün ölkəyə səfər edəcək.

Bu barədə “Poliqon”a Müdafiə Nazirliyinin mətbuat xidmətinin rəis müavini, polkovnik-leytenant Anar Eyvazov açıqlama verib.

“Azərbaycan Respublikasının müdafiə naziri general-polkovnik Zakir Həsənovun dəvəti ilə Türkiyə Respublikasının milli müdafiə naziri cənab Hulusi Akar və Türkiyə Silahlı Qüvvələrinin digər rəhbər heyəti ölkəmizdə keçirilən birgə təlimləri izləmək məqsədilə bugün Azərbaycana səfər edəcək”, – deyə Anar Eyvazov bildirib.

Poliqon.az

The post Türkiyənin milli müdafiə naziri Hulusi Akar Azərbaycana səfər edəcək appeared first on Poliqon.az.

Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin rəhbərlik etdiyi nümayəndə heyətinin Amerika Birləşmiş Ştatlarına səfəri davam edir.

Müdafiə Nazirliyinin mətbuat xidmətindən “Poliqon”a verilən məlumata görə, səfər çərçivəsində general-polkovnik K.Vəliyevin rəhbərlik etdiyi nümayəndə heyəti Oklahoma Hava Milli Qvardiyasının “Will Rogers” aviasiya bazasını ziyarət edib.

Aviasiya bazası ilə tanışlıq zamanı Azərbaycan nümayəndə heyətinə bazanın yaranma tarixi və əsas fəaliyyət istiqamətlərinə dair brifinq təqdim olunub, habelə aviasiya və qvardiyaya aid bir sıra hərbi vasitələr nümayiş etdirilib.

Poliqon.az

The post Kərim Vəliyev ABŞ-da “Will Rogers” aviasiya bazasında olub appeared first on Poliqon.az.

ASELSAN şirkəti təkmilləşdirilən zirehli döyüş maşınlarının ilk partiyasını Türkiyə Silahlı Qüvvələrinə təhvil verib.

ASELSAN-dan “Poliqon”a verilən məlumata görə, təhvil vermə mərasimində ASELSAN şirkətinin baş direktoru Haluk Görgün və Türkiyənin Müdafiə Sənayesi (SSB) başqanı İsmail Dəmir də iştirak edib.

Bildirilib ki, birinci mərhələdə 5 ədəd zirehli döyüş maşını modernləşdirilərək Türkiyə Quru Qoşunlarının istifadəsinə verilib.

Qeyd edək ki, layihə çərçivəsində Quru Qoşunlarına məxsus ümumilikdə 134 ədəd zirehli döyüş maşınının təkmilləşdirilməsi nəzərdə tutulub.

Poliqon.az

The post ASELSAN təkmilləşdirilən zirehli döyüş maşınlarının ilk partiyasını sifarişçiyə çatdırıb appeared first on Poliqon.az.

Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.

Minatəmizləmə Agentliyindən “Poliqon”a verilən məlumata görə, təmizləmə əməliyyatları Tərtər, Ağdam, Xocavənd, Füzuli, Zəngilan, Qubadlı, Cəbrayıl, Laçın, Kəlbəcər, Xocalı və Şuşa ərazisində aparılıb.

2022-ci il noyabrın 1-dən 30-na qədər aparılan minatəmizləmə əməliyyatları zamanı 2522.6 ha ərazi yoxlanılıb, 782 ədəd piyada və 344 ədəd tank əleyhinə mina, 1735 ədəd PHS aşkar olunaraq zərərsizləşdirilib.

Poliqon.az

The post ANAMA azad edilən ərazilərdə ötən ay 1126 ədəd mina aşkarlayıb appeared first on Poliqon.az.

Dekabrın 1-də Azərbaycan müdafiə nazirinin müavini – Hərbi Hava Qüvvələrinin komandanı general-leytenant Ramiz Tahirov Azərbaycanda səfərdə olan Özbəkistan müdafiə nazirinin müavini – Hava Hücumundan Müdafiə və Hərbi Hava Qüvvələri komandanı general-mayor Əhməd Burxanov ilə birgə HHQ-nin N hərbi hissəsini ziyarət edib.

Müdafiə Nazirliyinin mətbuat xidmətindən “Poliqon”a verilən məlumata görə, burada Özbəkistan nümayəndə heyətinə hərbi hissənin silahlanmasında olan döyüş texnikası və aviasiya-uçuş vasitələri haqqında geniş məlumat verilib.

Sonda qarşılıqlı hədiyyələr təqdim edilib və xatirə şəkli çəkdirilib.

Poliqon.az

The post Özbəkistan müdafiə nazirinin müavini HHQ-nin hərbi hissəsində olub appeared first on Poliqon.az.

Azərbaycan-Pakistan əlaqələri və strateji tərəfdaşlığı yüksələn xətlə inkişaf edir.

“Poliqon” xəbər verir ki, bunu müdafiə naziri general-polkovnik Zakir Həsənov Azərbaycanda rəsmi səfərdə olan Pakistanın Hərbi Dəniz Qüvvələri komandanı admiral Muhammad Amcad Xan Niazi ilə görüşündə bildirib.

General-polkovnik Z.Həsənov hər iki xalq arasında ənənəvi dostluq və qarşılıqlı etimadın olduğunu vurğulayıb.

Poliqon.az

The post Müdafiə naziri: Azərbaycan-Pakistan əlaqələri və strateji tərəfdaşlığı yüksələn xətlə inkişaf edir appeared first on Poliqon.az.