Postmüharibə dövründə görülən tədbirlər nəticəsində Azərbaycan Ordusunun əməliyyat və döyüş imkanları xeyli artırılıb.

“Poliqon” xəbər verir ki, bu barədə Azərbaycan Ordusunun Baş Qərargah rəisi general-polkovnik Kərim Vəliyev bölmələrin döyüş hazırlığının yoxlanması zamanı bildirib.

Həmçinin Baş Qərargah rəisi şəxsi heyətə Azərbaycan Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında ordu quruculuğu sahəsində aparılan islahatlardan danışıb.

Poliqon.az

The post Kərim Vəliyev: Postmüharibə dövründə Azərbaycan Ordusunun əməliyyat və döyüş imkanları artırılıb appeared first on Poliqon.az.

ABŞ Senatı 2023-cü il üçün ölkənin müdafiə büdcəsinin 858 milyard dollar həcmində olmasını təsdiq edib.

“Poliqon” xəbər verir ki, bu barədə ABŞ Senatının mətbuat xidməti məlumat yayıb.

Məlumatda bildirilib ki, ABŞ Senatında büdcə layihəsinin lehinə 83, əleyhinə isə 11 deputat səs verib.

Poliqon.az

The post 2023-cü ildə ABŞ-ın müdafiə büdcəsi 858 milyard dollar təşkil edəcək appeared first on Poliqon.az.

ABŞ-ın Hərbi Dəniz Qüvvələrinə məxsus F-35B “Lightning II” döyüş təyyarəsi qəzaya uğrayıb.

“Poliqon” xəbər verir ki, bununla bağlı sosial şəbəkələrdə videogörüntü paylaşılıb.

Paylaşımda vertikal formada eniş edən F-35B döyüş təyyarəsinin anidən yaranan problem səbəbi ilə yenidən havaya qalxması və bu zaman tarazlığını itirərək yerə düşməsi əks olunur. Qəza baş verən vaxt pilot katapult vasitəsi ilə təyyarədən uzaqlaşmağı bacarıb.

Qeyd edək ki, hadisə ABŞ-ın Texas ştatında Hərbi Dəniz Qüvvələrinin aviasiya vasitələrinin yerləşdiyi hərbi hissədə baş verib.

Poliqon.az

The post ABŞ-da F-35B döyüş təyyarəsi qəzaya uğrayıb appeared first on Poliqon.az.

Dekabrın 15-i saat 01:10-da Dövlət Sərhəd Xidmətinin (DSX) Sərhəd Qoşunlarının Zəngilan rayonu Kolluqışlaq və Rəzdərə yaşayış məntəqələri istiqamətində yerləşən bölmələrinin guya qarşı tərəfin Qafan rayonunun Kilsəkənd yaşayış məntəqəsi istiqamətindəki mövqelərinə atəş açması barədə Ermənistan Müdafiə Nazirliyinin yaydığı məlumat həqiqətə uyğun deyildir.

Bu barədə “Poliqon”a Dövlət Sərhəd Xidmətinin mətbuat mərkəzindən məlumat verilib.

“Bu yalan məlumatı qəti olaraq təkzib edir və bu deziformasiyanın Ermənistan Müdafiə Nazirliyinin növbəti təxribatı olduğunu bildiririk”, – deyə DSX qeyd edib.

Poliqon.az

The post DSX: Ermənistan Müdafiə Nazirliyinin yaydığı məlumat həqiqətə uyğun deyil appeared first on Poliqon.az.

Azərbaycanın NATO yanında Nümayəndəliyinin rəhbəri Cəfər Hüseynzadə NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavier Kolomina ilə görüşüb.

“Poliqon” xəbər verir ki, bununla bağlı Cəfər Hüseynzadə özünün “Twitter” hesabında paylaşım edib.

Paylaşımda bildirilib ki, görüş çərçivəsində NATO-Azərbaycan tərəfdaşlığının perspektivləri, Azərbaycanın beynəlxalq sülh və təhlükəsizliyə töhfəsi, enerji təhlükəsizliyi və regional məsələlər ətrafında fikir mübadiləsi aparılıb.

The post NATO-Azərbaycan tərəfdaşlığının perspektivləri müzakirə olunub appeared first on Poliqon.az.

Türkiyənin TUSAŞ şirkəti tərəfindən yeni reaktiv mühərrikli pilotsuz döyüş təyyarəsi hazırlanır.

“Poliqon” xəbər verir ki, bunu 2023-cü ilin büdcəsi ilə bağlı keçirilən iclasda Türkiyə Prezidentinin köməkçisi Fuat Oktay deyib.

Fuat Oktay bildirib ki, “Anka-3” adlanacaq bu yeni layihə Türkiyənin pilotsuz uçuş aparatları (PUA) sektorundakı imkanlarını daha da artıracaq.

Prezidentin köməkçisi “Anka-3″ün yüksək sürətə, faydalı yük daşımaq bacarığına və görünməzlik (stealth) texnologiyasına sahib olacağını qeyd edib.

Poliqon.az

The post TUSAŞ şirkəti yeni pilotsuz döyüş təyyarəsi hazırlayır appeared first on Poliqon.az.

Dekabrın 13-də Müdafiə Nazirliyinin Beynəlxalq Hərbi Əməkdaşlıq İdarəsində xarici dövlətlərin Azərbaycanda akkreditə olunmuş hərbi attaşeləri ilə 2022-ci ilin yekununa dair toplantı keçirilib.

Müdafiə Nazirliyinin mətbuat xidmətindən “Poliqon”a verilən məlumata görə, Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov toplantı iştirakçılarına cari il ərzində ölkədə hərbi əməkdaşlıq çərçivəsində görülən işlər, eləcə də 2023-cü il üçün planlaşdırılan fəaliyyətlərlə bağlı məlumat verib.

Qonaqlar həmçinin işğaldan azad olunan ərazilərdə görülən işlər barədə məlumatlandırılıb.

Sonda hərbi attaşeləri maraqlandıran suallar cavablandırılıb.

Poliqon.az

The post Hərbi attaşelərlə 2022-ci ilin yekununa dair toplantı keçirilib appeared first on Poliqon.az.

Azərbaycan Prezidenti İlham Əliyevin 09.12.2022-ci il tarixli Sərəncamı ilə Qurbanov Aqil Səlim oğlu müdafiə nazirinin müavini vəzifəsinə təyin olunub.

Bu barədə “Poliqon”a Müdafiə Nazirliyinin mətbuat xidmətindən məlumat verilib.

Poliqon.az

The post Azərbaycanın müdafiə nazirinə yeni müavin təyin olunub appeared first on Poliqon.az.

Türkiyənin ASFAT şirkəti Bosniya və Herseqovina Ordusunun əsas döyüş tanklarına və zirehli transportyorlarına logistika dəstəyi göstərəcək.

ASFAT-dan “Poliqon”a verilən məlumata görə, bununla bağlı şirkət ilə Bosniya və Herseqovina Müdafiə Nazirliyi arasında müqavilə imzalanıb.

Müqavilənin şərtinə görə ASFAT Bosniya və Herseqovina Ordusunun inventarında yer alan M113 zirehli transportyoru və M60A3 tanklarının ehtiyyat hissə, təmir və texniki baxım işlərini həyata keçirəcək. Həmçinin Bosniya və Herseqovina Müdafiə Nazirliyinin texniki personalına bir sıra lazımi təlimlər veriləcək.

Bildirilib ki, müqavilə çərçivəsində bütün bu işlər ASFAT-ın 2-ci Əsas Təmir Zavodu tərəfindən yerinə yetiriləcək.

Poliqon.az

The post ASFAT Bosniya və Herseqovina Ordusunun zirehli texnikalarına logistika dəstəyi göstərəcək appeared first on Poliqon.az.

Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.

Minatəmizləmə Agentliyindən “Poliqon”a verilən məlumata görə, təmizləmə əməliyyatları Tərtər, Ağdam, Xocavənd, Füzuli, Zəngilan, Qubadlı, Cəbrayıl, Laçın rayonları və Şuşa şəhəri ərazisində aparılıb.

2022-ci il dekabrın 5-dən 10-na qədər aparılan minatəmizləmə əməliyyatları zamanı 271 ha ərazi yoxlanılıb, 1 ədəd piyada və 3 ədəd tank əleyhinə mina, 47 ədəd PHS aşkar olunaraq zərərsizləşdirilib.

Poliqon.az

The post ANAMA daha 271 hektar ərazini mina və PHS-lərdən təmizləyib appeared first on Poliqon.az.

Rusiya Prezidenti Vladimir Putin dekabrın 12-də Azərbaycan Prezidenti İlham Əliyevə zəng edib.

“Poliqon” Azərbaycan Prezidentinin rəsmi saytına istinadən xəbər verir ki, telefon söhbəti zamanı Rusiya, Azərbaycan və Ermənistan liderlərinin 2020-ci il 10 noyabr, 2021-ci il 11 yanvar və 26 noyabr, həmçinin bu il 31 oktyabr tarixli razılaşmalarının reallaşdırılmasının bəzi praktiki aspektləri, o cümlədən Cənubi Qafqazda iqtisadi və logistik əlaqələrin bərpası planları müzakirə edilib.

Dövlət başçıları gələcək təmaslar barədə də fikir mübadiləsi aparıblar.

Poliqon.az

The post Vladimir Putin Azərbaycan Prezidenti İlham Əliyevə zəng edib appeared first on Poliqon.az.

Türkiyə Silahlı Qüvvələrinin Azərbaycan Xidmət Qrupu komandanı, Azərbaycan Müdafiə nazirinin müşaviri general-polkovnik Bəxtiyar Ersay 2022-ci ilin yekunlarına dair Müdafiə Nazirliyinin Kollegiya iclasında çıxış edib.

“Poliqon” xəbər verir ki, müdafiə nazirinin müşaviri general-polkovnik Bəxtiyar Ersay Azərbaycan Ordusunun Türkiyə modelinə uyğunlaşdırılması istiqamətində görülən işlərdən, aparılan islahatlar nəticəsində əldə edilən yeni nailiyyətlərdən danışıb.

Poliqon.az

The post Bəxtiyar Ersay Azərbaycan Ordusunun Türkiyə modelinə uyğunlaşdırılması istiqamətində görülən işlərdən danışdı appeared first on Poliqon.az.

Müdafiə Nazirliyi Azərbaycan-Türkiyə hərbi qulluqçularının birgə iştirakı ilə keçirilən “Qardaş yumruğu” təlimindən videogörüntüləri paylaşıb.

“Poliqon” həmin videogörüntünüləri təqdim edir:

Poliqon.az

The post Müdafiə Nazirliyi “Qardaş yumruğu” təlimindən videogörüntüləri paylaşıb appeared first on Poliqon.az.

Türkiyə Hərbi Dəniz Qüvvələri (HDQ) üçün inşa edilən “Piri Reis” sualtı qayığının dəniz sınaqları başlayıb.

“Poliqon” xəbər verir ki, bu barədə Türkiyə Milli Müdafiə Nazirliyinin (MSB) mətbuat xidməti məlumat yayıb.

Məlumatda bildirilib ki, “Havadan Bağımsız Tahrik Sistemli Denizaltı” layihəsi əsasında inşa olunan “Piri Reis” sualtı qayığının dəniz sınaqlarına 6 dekabr 2022-ci il tarixindən start verilib.

Qeyd edək ki, layihə çərçivəsində Türkiyə HDQ-ə ümumilikdə 6 ədəd “Reis” sinifinə aid yeni tip sualtı qayığın tədarük olunması planlaşdırılıb.

Poliqon.az

The post Türkiyədə “Piri Reis” sualtı qayığının dəniz sınaqları başlayıb appeared first on Poliqon.az.