Azərbaycan Gənc Alim, Doktorant və Magistrlər Cəmiyyətinin təşkilatçılığı və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyə yardımı ilə “Elmi data bazalar və indekslər haqqında tədqiqatçılar üçün seminarlar” adlı layihə çərçivəsində Azərbaycan Texnologiya Universitetində gənc tədqiqatçılar, doktorantlar, magistrlər, gənc universitet müəllimləri üçün seminar təşkil etmişdir. Tədbirdə çıxış edən Azərbaycan Texnologiya Universitetinin prorekroru, iqtisad elmləri doktoru Mayis Güləliyev, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü, Azərbaycan Gənc Alim, Doktorant və Magistrlər Cəmiyyətinin sədri, fəlsəfə doktoru İlqar Orucov üç gün davam edəcək seminarların elmi tədqaiqatçılar üçün faydalı məlumatlar əldə etmək və tədqiqatların beynəlxalq səviyyədə təşviqi baxımından əhəmiyyətindən danışıblar.