Sport >> The Tribune

ਬੈਡਮਿੰਟਨ: ਖ਼ਿਤਾਬ ਲਈ ਸਿੰਧੂ ਤੇ ਮਾਲਵਿਕਾ ਦਾ ਭੇੜ ਅੱਜ

Link [2022-01-23 05:55:19]

ਲਖ਼ਨਊ: ਦੋ ਵਾਰ ਦੀ ਉਲੰਪਿਕ ਤਗ਼ਮਾ ਜੇਤੂ ਪੀਵੀ ਸਿੰਧੂ ਅੱਜ ਇੱਥੇ ਪੰਜਵਾਂ ਦਰਜਾ ਹਾਸਲ ਰੂਸੀ ਮੁਕਾਬਲੇਬਾਜ਼ ਇਵਜੇਨੀਆ ਕੋਸੇਤਸਕਾਇਆ ਦੇ ਸੈਮੀਫਾਈਨਲ ਵਿਚ ਰਿਟਾਇਰਡ ਹਰਟ ਹੋਣ ਨਾਲ ਸਈਅਦ ਮੋਦੀ ਇੰਟਰਨੈਸ਼ਨਲ ਬੈਡਮਿੰਟਨ ਟੂਰਨਾਮੈਂਟ ਦੇ ਮਹਿਲਾ ਸਿੰਗਲਜ਼ ਫਾਈਨਲ ਵਿਚ ਪਹੁੰਚ ਗਈ। ਸਿਖ਼ਰਲਾ ਦਰਜਾ ਪ੍ਰਾਪਤ ਸਿੰਧੂ ਨੇ ਆਸਾਨੀ ਨਾਲ ਪਹਿਲੀ ਗੇਮ 21-11 ਨਾਲ ਜਿੱਤ ਲਈ ਸੀ। ਇਸ ਤੋਂ ਬਾਅਦ ਕੋਸੇਤਸਕਿਆ ਨੇ ਦੂਜੇ ਮਹਿਲਾ ਸਿੰਗਲਜ਼ ਸੈਮੀਫਾਈਨਲ ਮੈਚ ਤੋਂ ਰਿਟਾਇਰਡ ਹਰਟ ਹੋ ਕੇ ਹਟਣ ਦਾ ਫ਼ੈਸਲਾ ਲਿਆ। ਸਾਬਕਾ ਵਿਸ਼ਵ ਚੈਂਪੀਅਨ ਸਿੰਧੂ ਐਤਵਾਰ ਨੂੰ ਫਾਈਨਲ ਵਿਚ ਹਮਵਤਨ ਮਾਲਵਿਕਾ ਬੰਸੋਦ ਨਾਲ ਭਿੜੇਗੀ। ਮਾਲਵਿਕਾ ਨੇ ਸੈਮੀਫਾਈਨਲ ਵਿਚ ਇਕ ਹੋਰ ਭਾਰਤੀ ਅਨੁਪਮਾ ਉਪਾਧਿਆਏ ਨੂੰ 19-21, 21-19, 21-7 ਨਾਲ ਹਰਾਇਆ। -ਪੀਟੀਆਈ