မြစ်ကြီးနားမြို့တွင် အာဏာသိမ်းစစ်ကောင်စီ မှ ဖွင့်လှစ်သည့် အခြေခံပညာကျောင်းတွင် ကျောင်းလာရောက်အပ်နှံသူ ယခင်နှစ်ထက် ပိုမိုများလာကြောင်း အမည်မဖော်လိုသည့် Non- CDM ဆရာမ များထံမှ သိရသည်။ “အခုက အတန်းတိုင်းအတွက် က ၂၀၁၉ -၂၀ မှာ အောင်ထားတဲ့သူတွေနားထားတဲ့ကလေးတွေ နားပြီး ပြန်ဝင်တဲ့ဟာတွေ အဲ့တာတွေလည်းလက်ရှိတော့လာအပ်နေတယ်။ သူတို့အကြောင်းအမျိုးမျိုးကြောင့် မတက်ဖြစ်တာတွေ နားလိုက်တဲ့ဟာတွေ ပြီးတော့ မနှစ်ကမတက်ဖြစ်တဲ့ကလေးတွေ ဒီနှစ်တော့တော်တော်များများ ဝင်လာကြပြီ တစ်ခြားအတန်းတွေမှာလည်းဝင်တယ်လို့ပြောတယ်” ဟု Non-CDM ဆရာမတစ်ဦးက ပြောသည်။ ယခုနှစ်တွင် ကျောင်းသား/ကျောင်းသူလာအပ်သည့်စာရင်းမှာ ကျောင်းအပ်လက်ခံသည့် ရက်မှစကာ ပုံမှန် ရှိနေပြီး ခန့်မှန်းချက်အရ ပြီးခဲ့သည့်၂၀၂၀-၂၁ ပညာသင်နှစ် ကထက် ပိုမိုများပြားလာသည့် အနေအထားရှိကြောင်း အဆိုပါ ဆရာမက ဆက်ပြောသည်။ စစ်ကောင်စီက ဖွင့်လှစ်သည့် ၂၀၂၂- ၂၀၂၃...