Muristek
မြစ်ကြီးနား မြို့သစ်ရပ်ကွက်ရှိ ပြည်နယ် လူဝင်မှုကြီးကြပ်ရေးရုံးတွင် ဧပြီလ ၁၅ ရက် ည ၉နာရီ ဝန်းကျင်ခန့်က ပေါက်ကွဲမှုဖြစ်ပွားခဲ့သော်လည်း ထိခိုက်ပျက်စီးမှု တစ်စုံတစ်ရာမရှိခဲ့ကြောင်း မြို့သစ်ရပ်ကွက်အုပ်ချုပ်ရေးမှူးရုံးမှ သိရသည်။ “ဘာမှ ထိခိုက်တာလည်းမရှိဘူး ဆေးသုတ်ထားတဲ့ သုံးထပ်သားပြားနည်းနည်းပဲထိတယ်။ ရုံးပြင်ဘက်မှာကွဲတာ”ဟု မြို့သစ်ရပ်ကွက်ရုံးမှ တာဝန်ရှိသူက ပြောသည်။ ယင်း မိုင်းဖောက်ခွဲမှုသည် မည်သူမည်ဝါ မည်သည့်အဖွဲ့အစည်းက ပြုလုပ်သွားသည်ကို မသိရှိရသေးကြောင်း သူက ဆက်ပြောသည်။ အလားတူ မြစ်ကြီးနားမြို့တွင် ယမန်နေ့ ည ၅ နာရီခန့်တွင် လမ်းလျှောက်ပြုလုပ်ထားသည့် ပြည်သူ့ရင်ပြင်တွင် သေနတ်ပစ်ဖောက်မှုများရှိခဲ့ကြောင်း သိရသည်။ မြစ်ကြီးနားမြို့တွင်းတွင် ဧပြီလ ၁၃ ရက် သင်္ကြန်အကြို နေ့မှ စတင်ကာ ၁၅ ရက်နေ့အထိ ညပိုင်းပေါက်ကွဲမှုများ ဆက်တိုက်ဖြစ်ပွားလျက်ရှိသည်။
The post ပြည်နယ် လဝကရုံး ပေါက်ကွဲမှု အထိအခိုက်မရှိ ဟုဆို appeared first on Kachin News Group (KNG).