ဖားကန့် မြို့နယ် မနော့မှော်တွင် စစ်ကောင်စီတပ်မှ လေကြောင်းသုံးကာ တိုက်ခိုက်နေသောကြောင့် ကပ်မှော်ကျေးရွာ ဒေသခံ ၃ဦး လက်နက်ကြီးထိမှန်ကာ ဒဏ်ရာပြင်းထန်စွာ ရရှိထားကြောင်း သိရသည်။ ယနေ့ ညနေပိုင်း ၃နာရီခွဲဝန်းကျင်ခန့်တွင် စစ်ကောင်စီ၏ ဂျက်လေယာဉ်ဖြင့် မာနော့မှော် (Ma Naw Maw) ဘက်သို့ လာရောက်ပစ်ခတ်ချိန် ကပ်မှော်ကျေးရွာတွင် လက်နက်ကြီးကျမှန်ခဲ့သည်ဟု ဒေသခံတစ်ဦးက KNG သတင်းဌာနကို ပြောဆိုခဲ့သည်။ “ဒီနေ့လာပစ်တာ တော်တော်ဆိုးရွားသွားပြီ။ တိုက်ပွဲဖြစ်တဲ့နေရာဘက် မဟုတ်ဘဲ ကပ်မှော်ကျေးရွာအတွင်းမှာကို လက်နက်ကြီးကျတာ။ လူနေအိမ် ၃ လုံး ပေါက်ထွက်သွားတယ်။ နောက်ဒေသခံ ၃ ယောက် ထိမှန်သွားတော့ အသက်အန္တရာယ်စိုးရိမ်ရတဲ့ အနေအထားမှာ ရှိတယ်။ အခုချိန်အထိလည်း လေယာဉ်နဲ့လာတိုက်နေတုန်း။ မရပ်သေးဘူး။ ဒီနေ့ဆို လေယာဉ်နဲ့လာတိုက်တာ ၂ ရက် ရှိသွားပြီ”...
The post စစ်ကောင်စီတပ် လေကြောင်း တိုက်ခိုက်မှုကြောင့် ဒေသခံ ၃ ဦး ဒဏ်ရာပြင်းထန် appeared first on Kachin News Group (KNG).
2024-09-21 12:38:59