Muristek
وزیراعلیٰ سندھ مراد علی شاہ نے جمعرات کو اعتراف کیا ہے کہ ضلع دادو کے نواحی گاؤں میں تین روز قبل لگنے والی آتشزدگی کے واقعے پر صوبائی حکومت نے ردعمل میں تاخیر کی۔
اسلام آباد میں میڈیا سے گفتگو میں مراد علی شاہ نے مزید بتایا کہ واقعے کی تحقیقات کے بعد سات دن میں رپورٹ طلب کرلی گئی ہے اور ذمہ داران کے خلاف کارروائی ہوگی۔
سندھ کے ضلع دادو کی تحصیل میہڑ میں فرید آباد تھانے کی حدود میں واقع گاؤں فیض محمد دریانی چانڈیو میں تین روز قبل آتشزدگی سے تین بھائیوں اور ان کی ایک بہن سمیت نو افراد جھلس کر ہلاک جبکہ 20 سے زائد زخمی ہوگئے تھے۔
آگ کئی گھنٹوں تک بجھائی نہیں جاسکی تھی، جس کے نتیجے میں گاؤں کے 100 سے زائد گھر مکمل طور جل گئے جبکہ بھینسوں، گائے اور بکریوں سمیت 150 سے زائد مویشی، گاؤں میں رکھی سینکڑوں من گندم اور ٹریکٹر بھی جل گئے تھے۔
گذشتہ روز سندھ حکومت نے مالی امداد دینے، واقعے کی تحقیقات کرانے کے ساتھ متاثرین کو نئے گھر تعمیر کروا کے دینے کا بھی اعلان کیا تھا۔
دوسری جانب دادو کے صحافی امداد خشک نے انڈپینڈنٹ اردو کو ٹیلی فون پر بتایا کہ تین روز گزرنے کے باجود گاؤں کے متاثرین کھلے آسمان تلے بیٹھے ہیں اور انتظامیہ کی جانب سے تاحال کوئی امداد نہ ہوسکی ہے جبکہ گذشتہ رات سے پاکستانی فوج کے جوانوں نے گاؤں میں پہنچ کر متاثرین کی امداد کا کام شروع کردیا ہے۔
امداد خشک کے مطابق: ’پاکستانی فوج نے کھلے آسمان تلے بیٹھے گاؤں کے مکینوں کے لیے خیمے لگادیے ہیں۔ ان کے کھانے پینے اور سحری اور افطار کا بھی بندوبست فوجی جوان کر رہے ہیں۔‘
تاہم وزیراعلیٰ سندھ کے ترجمان عبدالرشید چنا نے گاؤں کے رہائشیوں کی جانب سے امداد نہ کیے جانے کے بیانات کو رد کرتے ہوئے کہا کہ صوبائی اور ضلعی انتظامیہ متاثرین کی بھرپور امداد کر رہی ہے۔
پاکستانی فوج کے جوان بھی متاثرین کی امداد کے لیے پہنچے (تصویر: امداد خشک)انڈپینڈنٹ اردو سے گفتگو میں عبدالرشید چنا کہا: ’یہ گاؤں وزیراعلیٰ سندھ سید مراد علی شاہ کے سابق انتخابی حلقے میں شامل ہے، ان لوگوں کی مراد علی شاہ کیوں امداد نہیں کریں گے؟ متاثرین کی امداد پہلے دن ہی شروع ہوگئی تھی۔ سندھ حکومت پر تنقید بے جا ہے۔‘
عبدالرشید چنا کے مطابق سندھ حکومت نے آگ سے جھلس کر چل بسنے والوں کے لواحقین کو پانچ پانچ لاکھ روپے، زخمیوں کو دو دو لاکھ روپے دینے کا اعلان کیا ہے جبکہ آگ سے تباہ ہونے والے ماکانات بھی سندھ حکومت تعمیر کروا کے دے گی۔
ان کا کہنا تھا کہ ’وزیراعلیٰ سندھ سید مراد علی شاہ نے آگ لگنے کا نوٹس پہلے دن لیا تھا اور ضلعی حکومت اور ڈپٹی کمشنر کو ہدایت کی تھی کہ متاثرین کے لیے فوری طور پر خیمے، راشن کی بوریاں اور کھانے پینے کی اشیا کی فراہم کی جائیں، جو متاثرین کو پہلے ہی روز مہیا کردی گئیں۔ اس کے علاوہ صوبائی ڈیزاسٹر مینجمنٹ اتھارٹی (پی ڈی ایم اے) سندھ نے بھی متاثرین کے لیے کمبل، گدے، مچھر دانیاں اور دیگر امدادی اشیا فراہم کیں۔‘
عبدالرشید چنا کے مطابق: ’ضلعی انتظامیہ نے متاثرہ گاؤں میں میڈیکل کیمپ بھی لگایا۔ وزیراعلیٰ سندھ نے ضلعی انتظامیہ، پولیس، رینجرز اور ریسکیو ٹیموں کو جائے وقوعہ پر موجود رہنے کی بھی ہدایت کی۔ اس کے علاوہ وزیراعلیٰ سندھ سید مراد علی شاہ خود بھی گذشتہ روز متاثرہ گاؤں گئے تھے۔‘
ان کا مزید کہنا تھا: ’وزیراعلیٰ سندھ نے آگ لگنے کی تحقیقات کا بھی حکم دے دیا ہے اور چیف سیکریٹری کی سربراہی میں چھ رکنی جے آئی ٹی قائم کر دی گئی ہے۔ سیکرٹری داخلہ سندھ بھی کمیٹی میں شامل ہوں گے۔ یہ کمیٹی چھ روز میں نقصانات کا تخمینہ لگا کر رپورٹ پیش کرے گی اور اس بات کی بھی تحقیق ہوگی کہ فائر بریگیڈ کیوں دیر سے پہنچیں۔‘
مزید پڑھاس سیکشن میں متعلقہ حوالہ پوائنٹس شامل ہیں (Related Nodes field)
جب ان سے پوچھا گیا کہ اگر سندھ حکومت متاثرین کی مکمل امداد کر رہی تھی تو پاکستانی فوج کو کیوں آنا پڑا؟ اس پر عبدالرشید چنا نے جواب دیا: ’ضلعی انتظامیہ اور ڈپٹی کمشنر دادو نے پاکستانی فوج کو طلب کیا ہوگا کیونکہ فوج کے جوان تربیت یافتہ ہیں اور وہ بہتر طریقے سے امداد کرسکتے ہیں۔ ضلعی انتظامیہ نے نہ صرف فوج بلکہ رینجرز سے بھی مدد لی ہے۔‘
فیض محمد دریانی چانڈیو میں آتشزدگی کے واقعے کی سوشل میڈیا پر وائرل ویڈیوز میں دیکھا گیا کہ گاؤں کے تمام گھروں میں آگ لگی ہوئی ہے اور مرد، خواتین اور بچے چیخ و پکار کرتے ہوئے مدد کے لیے ادھر ادھر بھاگ رہے ہیں۔ ویڈیوز میں گاؤں کے رہائشی دعویٰ کرتے نظر آئے تھے کہ 10 گھنٹوں سے زائد وقت گزرنے کے باجود فائر بریگیڈ کی گاڑیاں نہیں پہنچ سکیں۔
اس واقعے پر لوگوں نے سندھ حکومت کو سوشل میڈیا پر آڑے ہاتھوں لیا۔ سابق وفاقی وزیر اور پاکستان تحریک انصاف سندھ کے صدر علی زیدی نے ٹوئٹ کی کہ ’کیا عزت مآب سپریم کورٹ دادو میں نو افراد کے جھلس جانے کا ازخود نوٹیس لے گی؟ کیا وہ رات کو 12 بجے عدالت کھولیں گے۔ کیا اس بات کا نوٹس لیا جائے گا کہ سندھ میں مسلسل 15 سال سے چلنے والی حکومت میں زندگی بچانے کے لیے فائر بریگیڈ بھی نہیں ہے۔‘
Will the Honourable Supreme Court take SuoMotto of the fire that has burnt 9 children in Dadu? Will they open the court at 12:00 am tonight to take notice that after 15 yrs of consecutive government, Sindh STILL DOES NOT HAVE FIRE BRIGADES TO SAVE LIVES!
— Ali Haider Zaidi (@AliHZaidiPTI) April 20, 2022جس پر پاکستان پیپلز پارٹی کے رہنما اور وزیراعلیٰ سندھ کے معاون خصوصی ویرجی کولہی نے پانی کے کولر، چارپائی اور بستروں کی تصاویر کے ساتھ ٹویٹ کی: ’ڈپٹی کمشنر دادو اور پی پی پی کے مقامی رہنما متاثرین کی مدد کر رہے ہیں۔‘
ان کا مزید کہنا تھا کہ پارٹی چیئرمین ’بلاول بھٹو نے ہمیں لوگوں کی مدد کرنے والی تصاویر شیئر نہ کرنے کی ہدایت کی ہے۔ اگر ہم تصاویر شیئر نہ کریں تو تنقید ہوتی ہے۔ اب کیا کریں؟‘
Fire inciden. DC Dadu & local #PPP leaders are busy in helping fire affected families since last night. We have such photos too, but it's instruction of @BBhuttoZardari not to share photos of helping anyone, & when we don't share on social media then we r criticized, what to do! pic.twitter.com/Hy2YUbvTgj
— Veerji Kolhi (@Veerji_Kolhi) April 20, 2022 سندھدادوآتشزدگیدادو کی تحصیل میہڑ کے گاؤں فیض محمد دریانی چانڈیو میں تین روز قبل آتشزدگی سے نو افراد جھلس کر ہلاک جبکہ 20 سے زائد زخمی ہوگئے تھے۔امر گرُڑوجمعرات, اپریل 21, 2022 - 15:00Main image:<p class="rteright">دادو کے گاؤں فیض محمد دریانی چانڈیو میں تین روز قبل آتشزدگی سے نو افراد جھلس کر ہلاک جبکہ 20 سے زائد زخمی ہوگئے تھے (فوٹو: ڈی ایم جوکھیو فیس بک اکاؤنٹ)</p>
پاکستانtype: newsrelated nodes: صوبہ سندھ کو وفاق سے کیا شکایات ہیں؟مراد علی شاہ کیوں لائق تحسین ہیںسندھ کے لیے 440 ارب روپے کا نیا پیکج: ماضی کے پیکجز کا کیا ہوا؟SEO Title: دادو میں آتشزدگی سے ہلاکتیں، وزیراعلیٰ سندھ کا بروقت امداد نہ کرنے کا اعتراف copyright: