Muristek
سپریم كورٹ آف پاكستان كا لارجر بینچ قومی اسمبلی میں سابق وزیراعظم عمران خان كے خلاف تحریک عدم اعتماد كو مسترد كیے جانے سے متعلق از خود نوٹس كی سماعت كر رہا ہے جس كا فیصلہ آج كل میں سامنے آنا ہے۔
ملک كی سب سے بڑی عدالت كے پانچ اذہان مملكت خداداد میں جاری ’آئینی بحران‘ سے متعلق جو فیصلہ كرتے ہیں وہ یقینا سب كو قابل قبول ہوگا۔
تاہم اعلی عدالت كے سامنے پیش ہونے والے فریقوں كے پاس آخری فیصلے كو ’چیلنج‘ كرنے كا راستہ موجود ہے۔
سپریم كورٹ بار ایسوسی ایشن كے سابق صدر چوہدری عارف كے مطابق آئین پاكستان سپریم كورٹ كے فیصلوں پر فریقوں كو اعلی عدلیہ سے نظر ثانی كی درخواست كرنے كا حق دیتا ہے۔
تاہم ان كا كہنا تھا كہ نظر ثانی كی درخواست (ریویو پٹیشن) كا دائرہ كار (سكوپ) بہت محدود ہوتا ہے اور ایسی درخواستیں اكثر خارج كردی جاتی ہیں۔
واضح رہے كہ ماتحت عدلیہ (سیشن یا سول عدالتوں) كے فیصلے كو ہائی كورٹ میں چیلنج كیا جا سكتا ہے جبكہ ہائی كورٹ كے فیصلے كے خلاف سپریم كورٹ میں اپیل دائر كی جا سكتی ہے۔
لیکن ملک كی سب سے بڑی عدالت ہونے كے باعث سپریم كورٹ كے فیصلوں كو چینلج كرنے كا كوئی فورم موجود نہیں ہے۔
عدالت عظمی كے وكیل عمران شفیق كا كہنا تھا كہ سپریم كورٹ كے كسی فیصلے كے خلاف سپریم كورٹ میں ہی نظر ثانی كی درخواست دائر كی جا سكتی ہے اور زیر بحث مقدمے میں بھی فریقوں كے پاس یہی ایک راستہ موجود ہوگا۔
یاد رہے كہ تین اپریل كو قومی اسمبلی كے ڈپٹی سپیكر قاسم سوری نے اس وقت كے وزیراعظم عمران خان كے خلاف عدم اعتماد كی قرارداد مبینہ غیر ملكی سازش كا حصہ قرار دے کر مسترد كر دی تھی۔
مزید پڑھاس سیکشن میں متعلقہ حوالہ پوائنٹس شامل ہیں (Related Nodes field)
عدم اعتماد كی تحریک خارج ہونے كے بعد صدر مملكت ڈاكٹر عارف علوی نے اسی روز وزیراعظم عمران خان كے مشورے پر پارلیمان كے ایوان زیریں یعنی قومی اسمبلی كو تحلیل كر دیا تھا۔
چیف جسٹس آف پاكستان جسٹس عمر عطا بندیال نے اس صورت حال كا نوٹس لیا اور اسی روز (اتوار تین اپریل كو) چھٹی كے باوجود تین ركنی بینچ تشكیل دیا جسے بعد ازاں پانچ ججوں پر مشتمل لارجر بینچ میں تبدیل كر دیا گیا تھا۔
سپریم كورٹ كے از خود نوٹس كی سماعت میں حزب اختلاف سے تعلق ركھنے والی جماعتوں بشمول پاكستان مسلم لیگ ن، پاكستان پیپلز پارٹی، اور جمیعت علمائے اسلام ف ڈپٹی سپیكر قاسم سوری كے تین اپریل كے اقدامات كے مخالف ہیں۔
دوسری طرف صدر پاكستان، وفاقی حكومت، عمران خان اور قومی اسمبلی كے ڈپٹی سپیكر قاسم سوری ان اقدمات كی حمایت میں سپریم كورٹ كے سامنے پیش ہو رہے ہیں۔
سپریم كورٹ كے لارجر بینچ كا فیصلہ دونوں میں سے کسی ایک فریق كے لیے ریلیف كا باعث ہوگا جبكہ دوسری پارٹی كو اس پر اعتراض ہو سكتا ہے اور ایسی صورت حال میں معترض فریق ججمنٹ یا فیصلے کے خلاف اعلی عدالت سے نظر ثانی كی استدعا كر سكتا ہے۔
نظر ثانی كی درخواست كا ممكنہ نتیجہ
سپریم كورٹ كے وكیل عمران شفیق كا كہنا تھا كہ نظر ثانی كی درخواست ان ہی ججوں پر مشتمل اسی بینچ كے سامنے آتی ہے جس نے مقدمے كی سماعت كركے فیصلہ دیا ہوتا ہے۔
’موجودہ نوٹس كے فیصلے كے خلاف نظر ثانی كی درخواست اگر آتی ہے تو اسے بھی ان ہی پانچ ججوں پر مشتمل بینچ سنے گا۔‘
انڈپینڈنٹ اردو سے گفتگو میں انہوں نے مزید وضاحت كرتے ہوئے كہا كہ سپریم كورٹ كے كسی بھی كیس كی نظر ثانی میں پورا مقدمہ دوبارہ سے نہیں كھولا جاتا بلكہ كسی تكنیكی غلطی كی صورت میں صرف اس غلطی پر غور كیا جاتا ہے۔
’نظر ثانی درخواست كا آپشن سپریم كورٹ كے فیصلے میں كسی بہت بڑی اور بہت واضح تكنیكی غلطی كی موجودگی كی صورت میں دیا گیا ہے۔‘
عارف چوہدری نے اس بات سے اتفاق كرتے ہوئے كہا كہ نظر ثانی كی درخواست سپریم كورٹ کے فیصلے میں بہت بڑی قانونی غلطی كی صورت میں ہی كی جا سكتی ہے۔
انہوں نے كہا كہ سپریم كورٹ كے كسی فیصلے پر نظر ثانی كے غرض سے درخواست كسی اپیل كی طرح 30 دن كے عرصے میں دائر كی جا سكتی ہے۔
عمران شفیق كے خیال میں موجودہ بینچ كے فیصلے كے خلاف نظر ثانی كی درخواست پر فیصلے میں تبدیلی كا امكان بہت كم نظر آتا ہے۔
اس نقطے كی وضاحت كرتے ہوئے انہوں نے كہا كہ كسی بینچ میں جتنے جج كم ہوں گے نظر ثانی كی درخواست كی صورت میں ان كی آرا میں تبدیلی كا امكان بھی اتنا ہی كم ہوگا۔
انہوں نے مزید كہا كہ بعض حلقوں نے اس نوٹس كی سماعت كے لیے سپریم كورٹ كے تمام جج صاحبان یا كم از كم 10 ججوں پر مشتمل بینچ بنانے كی تجویز اسی نقطے كو سامنے ركھ كر دی تھی۔
اس سلسلے میں انہوں نے سپریم كورٹ كے جسٹس قاضی فائز عیسی كے خلاف صدارتی ریفرنس پر نظر ثانی كی درخواست كا حوالہ دیا۔
انہوں نے كہا كہ جسٹس قاضی فائز عیسی كے خلاف صدارتی ریفرنس كی سماعت سپریم كورٹ كے 10 ركنی بینچ نے كی اور اسی بینچ نے نظر ثانی كی درخواست پر اپنے ہی فیصلے میں تبدیلی كر دی تھی۔
عمران شفیق کے مطابق’جب بینچ میں جج صاحبان كی تعداد زیادہ ہوگی تو ان میں كچھ كا ذہن نظر ثانی كی درخواست پر دلائل سن كر تبدیل ہو سكتا ہے، اس كا امكان موجود ہوتا ہے۔‘
سپریم كورٹ كے وكیل عارف چوہدری كا كہنا تھا كہ نظر ثانی كی درخواست كی صورت میں ممكن نہیں كہ اعلی عدالت اپنے ہی فیصلے كو كالعدم قرار دے۔
فریقین نظر ثانی كی درخواست دیں گے؟
انڈپینڈنٹ اردو نے قومی اسمبلی كے ڈپٹی سپیكر كے تین اپریل كے حكم اور اس كے نتیجے میں قومی اسمبلی كی تحلیل سے متعلق سپریم كورٹ كے نوٹس كے حتمی فیصلے پر نظر ثانی كے امكانات جاننے كے لیے فریقین سے رابطہ كیا۔
اكثر فریقین نے اس كو قبل از وقت قرار دیتے ہوئے كہا كہ اس كا فیصلہ مناسب وقت پر آئینی و قانونی ماہرین كی مشاورت كے بعد كیا جائے گا۔
پاكستان پیپلز پارٹی كے رہنما میاں رضا ربانی سے اس متعلق وٹس ایپ پیغام كے ذریعے دریافت كیا گیا تو انہوں نے جواب دیا: ’یہ ایسے ہی ہے جیسے ریڑھے کو گھوڑے سے آگے لگا دیا جائے۔‘
Putting the cart before the horse
پاکستانسیاستسپریم کورٹپارلیمنٹقومی اسمبلیعمران خانانڈپینڈنٹ اردو نے قومی اسمبلی كے ڈپٹی سپیكر كے تین اپریل كے حكم اور اس كے نتیجے میں قومی اسمبلی كی تحلیل سے متعلق سپریم كورٹ كے نوٹس كے حتمی فیصلے پر نظر ثانی كے امكانات جاننے كے لیے فریقین سے رابطہ كیا۔عبداللہ جانجمعرات, اپریل 7, 2022 - 05:45Main image:<p>سپریم کورٹ کے وکلا نے انڈپینڈنٹ اردو کو بتایا ہے کہ سپیکر رولنگ کے بارے میں ازخود نوٹس کے فیصلے پر کوئی بھی فریق نظر ثانی کی اپیل کر سکتا ہے (تصویر: اے ایف پی)</p>
پاکستانtype: newsrelated nodes: سپیکر کے اختیارات کیا ہیں اور کیا نہیں؟SEO Title: سپیکر رولنگ از خود نوٹس کے فیصلے کو چیلنج کیا جاسکے گا؟copyright: