Breaking News >> News >> Independent Urdu


اسرائیل کا آئی پی یو میں رہنا عالمی برادری کا دوہرا معیار ہے: کویت


Link [2022-03-20 18:56:15]



کویتی قومی اسمبلی کے سپیکر مرزوق الغنیم نے عالمی برادری کی جانب سے دنیا میں جاری تنازعات کے حوالے سے دوہرا معیار اپنانے کی مذمت کرتے ہوئے بین الپارلیمانی یونین (آئی پی یو) سے اسرائیلی وفد کو نکالنے کا مطالبہ کیا ہے۔

ہفتے کے روز انڈونیشیا کے دارالحکومت جکارتہ میں آئی پی یو کے ایک اجلاس سے خطاب کرتے ہوئے مرزوق الغنیم کا کہنا تھا کہ کویت کسی بھی قسم کے قبضے کا مخالف ہے انہوں نے تیس سال قبل عراقی فوج کے خلیج فارس پر حملے کا حوالہ بھی دیا۔

ان کا سوال تھا کہ ’روسی وفد کو آئی پی یو سے نکالنے کا مطالبہ کیا جا سکتا ہے جو چند دن یا ہفتے پہلے شروع ہوئی تھی، اور اسرائیلی مندوبین کو بے دخل نہیں کیا جا سکتا جن کی حکومت 60 سال سے زیادہ عرصے سے فلسطین پر قابض ہے؟‘

’لہذا یہ ایک دوہرا معیار ہے جسے میں نہیں سمجھتا کہ آیی پی یو کے صدر قبول کریں گے۔‘

کویت خطے کے بعض عرب ممالک کے برعکس اسرائیل کے ساتھ تعلقات کو معمول پر لانے کا سخت مخالف ہے، جنہوں نے حالیہ برسوں میں قابض حکومت کے ساتھ تعلقات کو معمول پر لانے کے معاہدے کیے ہیں۔

گزشتہ سال مئی میں، کویت کی قومی اسمبلی نے متفقہ طور پر ایسے بلوں کی منظوری دی تھی جو تل ابیب حکومت کے ساتھ کسی بھی معاہدے یا تعلقات کو معمول پر لانے کو غیر قانونی قرار دیتے ہیں۔

مزید پڑھ

اس سیکشن میں متعلقہ حوالہ پوائنٹس شامل ہیں (Related Nodes field)

18 اگست 2020 کو کویت کے 37 قانون سازوں نے اپنی حکومت سے مطالبہ کیا کہ وہ اسرائیل اور متحدہ عرب امارات (یو اے ای) کے درمیان معمول کے معاہدے کو مسترد کر دے۔

کویت میں اسرائیل مخالف جذبات عروج پر ہیں۔ امریکی تھنک ٹینک، واشنگٹن انسٹی ٹیوٹ فار نیئر ایسٹ پالیسی کے 2019 میں کرائے گئے ایک سروے نے ظاہر کیا کہ 85 فیصد کویتی اسرائیل کے ساتھ تعلقات کو معمول پر لانے کی مخالفت کرتے ہیں۔

ستمبر 2020 میں، متحدہ عرب امارات اور بحرین نے اسرائیل کے ساتھ معمول کے معاہدے پر دستخط کیے تھے۔ مراکش اور سوڈان نے بعد میں اسرائیلی حکومت کے ساتھ بھی اسی طرح کے معاہدوں پر دستخط کیے۔ ابراہم معاہدے کو سابق صدر ڈونلڈ ٹرمپ کے دور میں امریکہ نے آگے بڑھایا تھا۔

فلسطینیوں نے ان معاہدوں کی مذمت کرتے ہوئے انہیں ’پیٹھ میں چھرا گھونپنے‘ اور اپنے مقصد کے ساتھ ’خیانت‘ قرار دیا تھا۔

اسرائیلکویتفلسطینکویت قومی اسمبلی سپیکر کا سوال تھا کہ ’روسی وفد کو اس جنگ پر آئی پی یو سے نکالنے کا مطالبہ کیا جا سکتا ہے جو چند ہفتے پہلے شروع ہوئی اور اسرائیلی مندوبین کو بے دخل نہیں کیا جا سکتا جو 60 سال سے زیادہ عرصے سے فلسطین پر قابض ہیں؟‘انڈپینڈنٹ اردواتوار, مارچ 20, 2022 - 15:45Main image: 

<p class="rteright">کویتی پارلیمنٹ کے اسپیکر مرزوق الغنیم 26 جنوری 2022 کو کویت سٹی میں قومی اسمبلی میں پارلیمنٹ کے اجلاس کے دوران (فائل تصویر: اے ایف پی)</p>

دنیاtype: newsrelated nodes: جنگ کی بہتی گنگا میں اسرائیلی اشنانمیزائل حملوں کا ہدف اسرائیلی مرکز تھا:ایرانی پاسداران انقلاباسرائیلی صدر کا دورہ ترکی، صدر اردوغان نے استقبال کیااسرائیلی جاسوس کا ایرانی رہبر اعلیٰ کی قریبی ساتھی رہنے کا انکشافSEO Title: اسرائیل کا آئی پی یو میں رہنا عالمی برادری کا دوہرا معیار ہے: کویتcopyright: Translator name: حسنین جمال

Most Read

2024-09-21 08:37:55