Muristek
پاکستان سپر لیگ کی ٹیم پشاور زلمی کے ابھرتے بلے وکٹ کیپر بلے باز محمد حارث نے انڈپینڈنٹ اردو کو بتایا ہے کہ دنیائے کرکٹ میں ان کا کوئی ہیرو نہیں بلک وہ خود ایک دن ہیرو بننا چاہتے ہیں۔
محمد حارث کی عمر بیس سال ہے اور انہیں حال ہی میں پاکستان اور پشاور زلمی کے سٹار بلے باز کامران اکمل کی جگہ ٹیم میں بطور وکٹ کیپر بلے باز کھیلنے کا موقع دیا گیا تھا۔
محمد حارث نے اس موقع کو گنوانے کی بجائے تاریخ رقم کر دی جب اسلام آباد ہونائیٹڈ کے خلاف پی ایس ایل سیون کے ایک میچ میں انہوں نے صرف 18 گیندوں پر چار چھکوں اور پانچ چوکوں کی مدد سے ساتوین سیزن کی تیز ترین ففٹی سکور کی۔
ان کی شاندار پرفارمنس کی داد چیئرمین پاکستان کرکٹ بورڈ رمیز راجہ نے بھی دی جب ایک ٹویٹ میں انہوں نے لکھا کہ ’محمد حارث اس سال کی پی ایس کے سب سے منفرد کھلاڑی ہو سکتے ہیں۔ بڑا ڈیبیو اور ہاں بڑی صلاحیت ہے۔‘
محمد حارث نے انڈپینڈنٹ اردو سے بات کرتے ہوئے کہا کہ ’میں نے چیئرمین پی سی بی زمیز راجہ کی وہ ٹویٹ پڑھی ہے اور ظاہر ہے جب کرکٹ بورڈ کے سربراہ تعریف کریں تو اچھا لگتا ہے۔‘
محمد حارث سے جب قومی اور بین الاقوامی سطح پر ان کے پسندیدہ وکٹ کیپر بلے باز اور ہیرو کے متعلق پوچھا تو ان کا کہنا تھا کہ ’قومی سطح پر میں محمد رضوان کو پسند کرتا ہوں۔ بین الاقوامی سطح پر میں برطانیہ کے وکٹ کیپر بے باز جوس بٹلر سے متاثر ہوں۔ میرا ہیرو کوئی نہیں ہے۔ میں خود ایک روز ہیرو بنوں گا۔‘
ایک سوال کا جواب دیتے ہوئے محمد حارث نے کہا کہ ’میری کوشش ہو گی کہ میں پی ایس ایل سیون کے پہلے پانچ کھلاڑیوں میں آ سکوں۔ میں چار پانچ میچز نہیں کھیل سکا۔ لیکن اب جتنے بھی میچ میں نے کھیلنے ہیں اس میں بہترین کارکردگی دکھاؤں اور اپنی ٹیم کو چیمئن بناؤں۔‘
مزید پڑھاس سیکشن میں متعلقہ حوالہ پوائنٹس شامل ہیں (Related Nodes field)
محمد حارث کا کہنا تھا کہ ’ہم نے جتنی محنت کی ہے جتنے میچز جیتے ہیں تو اب ہم ہارنا نہیں چاہتے۔ ہم یہ ٹورنامنٹ جیتنا چاہتے ہیں۔‘
اپنی اچھی پرفارمنس پر ملنے والی پذیرائی کے بارے میں محمد حارث کا کہنا تھا کہ ’میں اس پذیرائی کی توقع کر رہا تھا کیوں کہ پی ایس ایل ایک ایسا پلیٹ فارم ہے کہ اس پر اگر اچھی کارکردگی دکھائیں تو پذیرائی ملتی ہے۔‘
محمد حارث کا کہنا تھا کہ ’مجھے پشاور زلمی نے بہت سپورٹ کیا ہے۔ گذشتہ سال پہلے مرحلے میں مجھے کسی ٹیم نے نہیں لیا تھا۔ لیکن پشاور زلمی نے مجھے تربیت کے لیے ساتھ رکھا تھا اور اس تربیت کے بعد ہی مجھے کراچی کنگز نے اپنی ٹیم میں لیا تھا۔ اس سال مجھے پشاور زلمی نے اپنی ٹیم میں لیا اور گذشتہ تین میچز میں زلمی کی سپورٹ کی وجہ سے ہی میں نے کارکردگی دکھائی ہے۔‘
پی ایس ایل 7ٹی ٹوئنٹیمحمد حارثپشاور زلمیپاکستان سپر لیگ کی ٹیم پشاور زلمی کے ابھرتے وکٹ کیپر بلے باز محمد حارث ہر طرح کی معلومات رکھنے پر گوگل کے نام سے مشہور ہیں اور ان کا دنیائے کرکٹ میں کوئی ہیرو نہیں بلکہ وہ خود ایک روز ہیرو بننا چاہتے ہیں۔محمد حسان گُلہفتہ, فروری 19, 2022 - 18:45Main image: کھیلjw id: XORUldMutype: videolabel: پی ایس ایلrelated nodes: اسلام آباد یونائیٹڈ کو پشاور زلمی کے ہاتھوں 10 رنز سے شکست’پی ایس ایل پشاور زلمی ہی جیتے گی‘: زرسانگہ کی پیش گوئیپی ایس ایل: لاہور میں ٹریفک پولیس نے بھی کرکٹ پچ سجالیپی ایس ایل کے دوران 23 بک میکرز گرفتار: لاہور پولیسSEO Title: گوگل کے نام سے مشہور پشاور زلمی کے محمد حارث کا کوئی ہیرو نہیںcopyright: