ဂျာမနီနိုင်ငံအခြေစိုက် နိုင်ငံတကာငြိမ်းချမ်းရေးအဖွဲ့ (International Peace Bureau) က ချီးမြှင့်တဲ့ ၂၀၂၁ ခုနှစ် Seán MacBride ငြိမ်းချမ်းရေးဆုကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ) က လက်ခံရရှိခဲ့ပါတယ်။ ဒီဆုကိုတော့ ဒီမိုကရေစီ၊ လူ့အခွင့်အရေးနဲ့ ဖက်ဒရယ်ပြည်ထောင်စု တည်ဆောက်ရေးမှာ ပြည်သူတွေရဲ့ အသက်အိုးအိမ် စည်းစိမ်အတွက် အသက်ပေးအနစ်နာခံသူ သူရဲကောင်းအားလုံးကို ရည်ရွယ်ပြီး ချီးမြှင့်တာလို့ ဆိုပါတယ်။ ဆုချီးမြှင့်တဲ့အခမ်းအနားမှာတော့ အမျိုးသားညီညွတ်ရေးအစိုးရ (NUG) လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းနဲ့ အေအေပီပီရဲ့ တွဲဘက်အတွင်းရေးမှူး ဦးဘိုကြည်တို့က အင်တာနက်ကတဆင့် မိန့်ခွန်း ပြောကြားခဲ့ကြပါတယ်။ မြန်မာစစ်တပ်ရဲ့ ပြည်သူလူထုအပေါ် ဖိနှိပ်ချုပ်ချယ်မှုတွေကို မှတ်တမ်းတင်ထားတဲ့ အေအေပီပီရဲ့ ကြိုးပမ်းအားထုတ်မှုတွေကို အသိအမှတ်ပြုတဲ့အနေနဲ့ ပေးအပ်တဲ့ ဒီငြိမ်းချမ်းရေးဆုကို အေအေပီပီ ကလက်ခံရရှိတဲ့အတွက် ဂုဏ်ယူကြောင်း မြန်မာနိုင်ငံဆိုင်ရာ ဗြိတိန်သံရုံးကလည်း […]