ပဲခူးတိုင်း၊ မင်းလှမြို့နယ်ထဲက ကျေးရွာတရွာမှာ ပြီးခဲ့တဲ့ မတ် ၁၈ ရက်က PDF တဦး ခိုလှုံနေတယ်ဆိုတဲ့သတင်းအရ စစ်ကောင်စီတပ်က နေအိမ်ထဲအထိ သေနတ်နဲ့ပစ်ခတ်ပြီး ဝင်ရောက်ဖမ်းဆီးခဲ့ရာမှာ မင်းလှ MH.PDF တပ်ဖွဲ့ဝင်တဦး ကျဆုံးသွားပါတယ်။ ဇီးကုန်း PDF တပ်ဖွဲ့ဝင်လူငယ်တဦးဟာ သူ့အစ်ကိုရှိတဲ့ မင်းလှ PDF (MH.PDF) အဖွဲ့ထံလာရောက်စဉ် လမ်းပြအဖြစ် လိုက်ပို့တဲ့ အမျိုးသမီး အပြန်မှာ စစ်ကောင်စီတပ်ဖွဲ့ရဲ့ အဖမ်းခံလိုက်ရပြီး သူရဲ့ သတင်းပေးမှုကြောင့် မင်းလှ PDF တပ်ဖွဲ့ဝင် ကိုမင်းအောင် (ခ) ကိုတူးတူး ခေတ္တနေထိုင်တဲ့ အုန်းပင်ပေါက်ကျေးရွာအုပ်စု ကညင်ပင်ရွာ နေအိမ်ကို ဝင်ရောက်ပစ်ခတ် ဖမ်းဆီးခဲ့တာပါ။ စစ်ကောင်စီတပ်ရဲ့ ပစ်ခတ်မှုကြောင့် ကိုမင်းအောင် သေဆုံးသွားသလို နေအိမ်မှာတွေ့တဲ့ လက်နက်တွေနဲ့ လက်ကိုင်ဖုန်းတချို့လည်း သိမ်းဆည်းခံခဲ့ရပါတယ်။ လမ်းပြအမျိုးသမီးကို […]