စစ်ကိုင်းတိုင်း၊ ယင်းမာပင်ခရိုင်အတွင်းမှာရှိတဲ့ ကျေးရွာတရွာမှာ စစ်အာဏာရှင်တော်လှန်ရေးသပိတ်ကို ဇန်နဝါရီ ၂၅ ရက် ညနေပိုင်းက ပြုလုပ်ခဲ့ပါတယ်။ မြို့နယ်သပိတ်ခေါင်းဆောင်တွေက ဦးဆောင်ပြီး ပြည်သူလူထုကို သပိတ်တရားဟောပြောကာ ကျေးရွာတွင်း လှည့်လည်ပြီးသပိတ်ဆင်နွှဲခဲ့ကြရာမှာ မြို့နယ်ကာကွယ်ရေးတပ်တွေလည်း ပြည်သူလူထုအတွက် အကာအကွယ်ယူပေးခဲ့ပါတယ်။ ပြည်သူ့အာဏာ ပြည်သူ့ပြန်ပေးဆိုတဲ့ ကြွေးကြော်သံတွေနဲ့ “ပြည်တော်ဝင်ဖို့ရုန်းကြစို့ အဆုံးသတ်တိုက်ပွဲနွှဲကြစို့”လို့ အမည်ပေးထားတဲ့ သပိတ်ကို အောင်မြင်စွာဆင်နွှဲနိုင်ခဲ့ကြပါတယ်။