ကရင်အမျိုးသားအစည်းအရုံး (ကေအန်ယူ) တပ်မဟာ (၁) သထုံခရိုင် ကရင်အမျိုးသားကာကွယ်ရေးတပ်ဖွဲ့ KNDO တပ်ရင်း (၂) နယ်မြေအတွင်း တပ်စွဲနေထိုင်နေတဲ့ စစ်ကောင်စီ လေးကေစခန်းနဲ့ ဝင်းတာပန်စခန်းတွေ သုံးရက်အတွင်း ဆုတ်ခွာထွက်သွားပေးဖို့ KNDO တပ်ရင်း (၂) က ဧပြီ ၂၀ ရက်မှာ သတိပေးထုတ်ပြန်ပါတယ်။ စစ်ကောင်စီ လေးကေစခန်းနဲ့ ဝင်းတာပန်စခန်းအနေနဲ့ လာမယ့် ၂၃ ရက် ည ၆ နာရီအချိန်ထိ နောက်ဆုံးထားပြီး စခန်းကနေ ဆုတ်ခွာပေးဖို့နဲ့ ဆုတ်ခွာခြင်း မပြုရင် စစ်ရေးအရ ထိရောက်စွာအရေးယူသွားမယ်လို့ သတိပေးထားပါတယ်။ စစ်ကောင်စီတပ်ဖွဲ့ဝင်တွေဟာ နိုင်ငံအနှံ့အပြားရှိ တိုင်းရင်းသားပြည်သူလူထုအပေါ် ဖမ်းဆီးသတ်ဖြတ်တာ၊ ညှဉ်းပန်းနှိပ်စက်တာ၊ အိမ်ထောင်သည်နဲ့ ကလေးငယ်ပါမကျန် မုဒိန်းကျင့်တာ၊ အိုးအိမ်စည်းစိမ်တွေကို မီးရှို့ဖျက်ဆီးတာ အစရှိတဲ့ လူမဆန်တဲ့ ကိစ္စရပ်တွေပြုမှုဆက်ဆံနေတဲ့အတွက်ကြောင့် မိမိတို့နယ်မြေအတွင်းမှာ […]