အင်ဒိုနီးရှားနိုင်ငံမှာ ဒီနှစ်ကုန်ပိုင်း ကျင်းပမယ့် ကမ္ဘာ့စီးပွားရေး ထိပ်သီးအင်အားကြီး နိုင်ငံ ၂၀ အဖွဲ့ G20 ရဲ့ ထိပ်သီးညီလာခံကို ရုရှားသမ္မတ ဗလာဒီမီယာ ပူတင် တက်ဖို့ ရည်မှန်းထားတယ်လို့ အင်ဒိုနီးရှားနိုင်ငံဆိုင်ရာ ရုရှားသံအမတ်ကြီးက မတ် ၂၃ ရက်မှာ ပြောလိုက်ပါတယ်။G20 အဖွဲ့ဝင်တချို့က ရုရှားကို G20 ညီလာခံ မတက်အောင် တားမြစ်ပိတ်ပင်နိုင်တယ်ဆိုတဲ့ အဆိုပြုချက်တွေကိုလည်း ပယ်ချခဲ့ပါတယ်။သံအမတ်ကြီး လူမီနာ ဗိုရိုဘေဗာက “ကိုဗစ်-၁၉ ကပ်ရောဂါ အခြေအနေကလည်း ပိုကောင်းလာနေတာ အပါအဝင် အချက်တွေ အများကြီးအပေါ် မူတည်တယ်၊ သူ့ ရည်ရွယ်ချက်ကလည်း လာချင်တယ်။” လို့ သတင်းစာရှင်းလင်းပွဲမှာ ပြောပါတယ်။ရုရှားဟာ ယူကရိန်းကို ကျူးကျော်ခဲ့ပြီးတဲ့နောက် G20 အုပ်စုထဲမှာ ဆက်နေသင့်သလား ဆိုတာနဲ့ ပတ်သက်လို့ အမေရိကန်နဲ့ အနောက်မဟာမိတ်တွေ […]