ဖေဖော်ဝါရီ ၁ ရက်နေ့ စစ်တပ်က နိုင်ငံတော်အာဏာကို မတရား သိမ်းယူခဲ့တာ ၁ နှစ်ပြည့်မြောက်တဲ့နေ့မှာ လက်ရှိ စစ်အာဏာရှင်ပြုတ်ကျရေး နည်းလမ်းပေါင်းစုံနဲ့ တောင်းဆို တိုက်ပွဲဝင်နေကြတဲ့ ပြည်သူတွေရဲ့ နွေဦးတော်လှန်ရေးနဲ့ ပတ်သက်ပြီး တိုင်းရင်းသား လက်နက်ကိုင်အဖွဲ့တချို့ရဲ့ သဘောထားအမြင်တွေကို ဒီဗွီဘီက စုစည်းဖော်ပြပေးလိုက်ပါတယ်။ ကရင်အမျိုးသားအစည်းအရုံး – ကေအန်ယူ နိုင်ငံခြားရေးတာဝန်ခံ ပဒိုစောတောနီးက “ကျနော်တို့ ကေအန်ယူအနေနဲ့ အာဏာသိမ်းပြီး နောက်တရက်မှာပဲ ကြေညာချက်ထုတ်တယ်။ ကြေညာချက် ထုတ်တယ်ဆိုတာ အာဏာသိမ်းတာကို ဆန့်ကျင်တယ်။ လုံးဝလက်မခံဘူး။ နောက် အာဏာသိမ်းတာကို ဆန့်ကျင်တဲ့လူလည်း ကျနော်တို့ ပူးပေါင်း လုပ်ဆောင်သွားမယ်။ သူတို့ကို ကူစရာရှိတာ ကူမယ်ဆိုပြီးတော့ ကျနော်တို့ ထုတ်ပြန်ကြေညာချက် လေး ငါးစောင်လောက် ထုတ်တယ်။ အဲဒီထုတ်ပြန်ကြေညာချက် ပြီးတဲ့နောက်ပိုင်းမှာကလည်း မြို့ပေါ်မှာ အခင်းအကျင်းတွေ […]