ရခိုင်ပြည်နယ် မောင်တောမြို့နယ်မှာ ပျောက်ဆုံးနေတဲ့ကျောင်းအုပ် ဆရာကြီး နဲ့ ဆရာမ တို့အား လိုက်ရှာနေကြသူတွေ ဇွန် ၁၉ ရက် ဒီနေ့ညနေ ၃ နာရီလောက်က အမည်မသိလက်နက်ကိုင်အဖွဲ့ရဲ့ ပစ်ခတ်ခံရတာကြောင့် ၃ ဦး ဒဏ်ရာ ရှိသွားတယ်လို့ လိုက်ရှာသူတွေထဲပါဝင်တဲ့ ဒေသခံတဦးက အတည်ပြုပြောပါတယ်။ “ဟုတ်ပါတယ်။ ကျနော်တို့ အုပ်စုလာတာကိုမြင်တာနဲ့ သေနတ်နဲ့ ၇ ချက်ပစ်တာ ၃ ဦးဒဏ်ရာရသွားတယ်။ ပစ်တာက ဘယ်အဖွဲ့လဲဆိုတာမသိပါဘူး။” ဇွန် ၁၆ ရက် နေ့လယ်က သင်္ဘောလှမူလွန်ကျောင်းက ကျောင်းအုပ်ဆရာကြီး ဦးဘိုဝင်းနဲ့ လက်ထောက် ဆရာမဒေါ်ဥမ္မာကျော်တို့ဟာ မောင်တောမြို့နယ် ပညာရေးမှူးရဲ့ ဆင့်ခေါ်မှုကြောင့် ဆိုင်ကယ်နဲ့အသွား တောင်ပြိုလမ်းခုလပ်တနေရာမှာ ပျောက်ဆုံးသွားပြီးနောက် ပြန်ပေးသမားတွေက ဘင်္ဂလားဒေ့ရှ် တာကာငွေ သိန်း ၅၀ (မြန်မာကျပ်ငွေသိန်းတထောင်) လောက်နဲ့ […]