ကချင်ပြည်နယ်၊ ဖားကန်မြို့နယ် အေးမြသာယာကျေးရွာရှိကျောက်စိမ်းလုပ်ကွက် ကျင်းအဟောင်းထဲ ပြုတ်ကျသွားတဲ့ ပါဂျဲရိုးအမျိုးအစား အိမ်စီးကားကို ဇွန် ၁၁ ရက် ည ၇ နာရီလောက်မှာ ဆယ်ယူရရှိခဲ့ပေမဲ့ အလောင်းတွေမပါလာသေးဘူးလို့ ဒေသခံထံက သိရပါတယ်။ ပြီးခဲ့တဲ့ ဇွန် ၉ ရက်က ကလေးကာကွယ်ဆေးထိုးပြီးပြန်လာတဲ့ မိသားစုဟာ ကားဘရိတ်ပေါက်ပြီး ကျောက်စိမ်းလုပ်ကွက် ကျင်းဟောင်းထဲပြုတ်ကျခဲ့လို့ ၂ လသားအရွယ် ကလေးငယ်နဲ့ မိဘနှစ်ဦးစလုံး သေဆုံးသွားခဲ့တာဖြစ်ပါတယ်။ “ရှာလို့တော့တွေ့ပြီ။ ကားပဲတွေ့ သေးတာ။ အလောင်းတွေ မတွေ့သေးဘူး။” လို့ ရှာဖွေရေးနဲ့ နီးစပ်တဲ့ ဒေသခံက ပြောပါတယ်။ ကားအတွင်း ပါသွားတဲ့မိသားစုဟာ ဖားကန့်မြို့နယ် မှော်မောင်းလျှံကျေးရွာမှာနေတဲ့ အသက် ၂၉ နှစ်အရွယ်ရှိ ကိုဒီးဒီး၊ အသက် ၂၃ နှစ်အရွယ် ဇနီးဖြစ်သူ မနန်းတို့နဲ့ အတူ […]