မြန်မာနိုင်ငံမှာ စစ်တပ်က အာဏာသိမ်းကာလ ၁ နှစ်ကျော်အတွင်း နေအိမ်၊ အဆောက်အအုံ ၂၂၀၀၀ ကျော် မီးရှို့ဖျက်ဆီးခံရတယ်လို့ သုတေသန လုပ်နေတဲ့ ISP Myanmar အဖွဲ့က ဇွန် ၂ ရက်က ထုတ်ပြန်ပါတယ်။ မနှစ် ဖေဖေါ်ဝါရီ ၁ ရက်ကနေ ဒီနှစ်မေလ ၂၆ ရက်နေ့အထိ လက်နက်ကိုင်ပဋိပက္ခတွေအကြား မီးရှို့ဖျက်ဆီးခံရတာ၊ လက်နက်ကျည်တွေ ထိမှန်လို့ပျက်စီးဆုံးရှံးခဲ့ရတဲ့ နေအိမ်၊ အဆောက်အအုံ၊ ဘာသာရေးအဆောက်အအုံတွေအပါအဝင် ၂၂,၂၉၉ လုံးထက်မနည်းရှိတယ်လို့ ဆိုထားပါတယ်။ အဲဒီထဲမှာ စစ်ကိုင်းတိုင်းက အများဆုံးဖြစ်ပြီး နေအိမ်၊ အဆောက်အအုံပေါင်း ၁၅,၅၃၀ ၊ ရာခိုင်နှုန်းအနေနဲ့ ၆၉ ဒသမ ၇ ရှိပြီး မကွေးတိုင်း နေအိမ် ၄,၈၂၂ လုံးနဲ့ ဒုတိယလိုက်ကာ ၂၁ ဒသမ […]