မြန်မာနိုင်ငံမှာ ကိုဗစ်ရောဂါနဲ့ စစ်တပ်အာဏာသိမ်းမှုကြောင့် စီးပွားရေးပျက်ကပ်ဆိုက်ပြီး၊ အလုပ်အကိုင်ရှားပါး စားဝတ်နေရေးခက်ခဲတာကြောင့် အိမ်နီးချင်းထိုင်းနိုင်ငံထဲကို မြန်မာအလုပ်သမားတွေနေ့စဉ် ဝင်ရောက်နေရာမှာ မေလတစ်လတည်းတင် တရားမဝင် ဝင်လာသူပေါင်း ၁၅၀၀၀ ကျော်ဖမ်းဆီးခံရတယ်လို့ မဲဆောက်အခြေစိုက် မြန်မာ ပြည်သားများအရေးပူးတွဲလှုပ်ရှားမှုကော်မတီ(JACBA) ဥက္ကဋ္ဌ ဦးမိုးကြိုးက ပြောပါတယ်။ အလုပ်သမားတွေအပြင် ထိုင်းနဲ့ မြန်မာ ပွဲစား အယောက် ၁၅၀ လောက်လည်း ပြီးခဲ့တဲ့ မေလအတွင်း စံချိန်တင် အဖမ်းဆီးခံရတယ်လို့ သိရပါတယ်။ ဦးမိုးကြိုးက “ဒီလကတော့ တရားမဝင်နယ်စပ်ဖြတ်ကျော်မှု အရပ်အခေါ် ခိုးဝင်မှုကတော့ စံချိန်တင် တဲ့လူအရေအတွက်ရှိပါတယ်၊ ဒီလ ၂၄ ရက်နေ့တုန်းက ထိုင်းအစိုးရတရား ဝင်ထုတ်ပြန်ထားတာက မေလ ၂၁ ထိ ဖမ်းမိတာ ၁၃၀၀၀ ကျော်နဲ့ လူပွဲစား ၁၁၀ ဦး ၊ အဲဒီနောက်ပိုင်း […]