အခုနှစ်နှောင်းပိုင်း ကာတာနိုင်ငံမှာ ကျင်းပမယ့် ကမ္ဘာ့ဖလားဘောလုံးပြိုင်ပွဲအတွက် သုံးမယ့် ဟိုတယ်နဲ့ လေ့ကျင့်ရေးစခန်းတချို့ကို မေ ၃၀ ရက်မှာ မီဒီယာတွေ သွားရောက်ကြည့်ရှုလေ့လာ ခဲ့ပါတယ်။ ကာတာနိုင်ငံဟာ ဘောလုံးပွဲမှာ သူ့နိုင်ငံ လူဦးရေရဲ့ တဝက်နီးပါးရှိတဲ့ ပွဲကြည့်ပရိသတ် အယောက် ၁ ဒသမ ၂သန်းလောက်ကို ဆွဲဆောင်ဖို့ မျှော်လင့် ထားတာဖြစ်ပြီး ဒါဟာ ထောက်ပံ့ပို့ဆောင်ရေးနဲ့ ရဲတပ်ဖွဲ့ဝင်တွေအတွက် စိန်ခေါ်မှုလည်း ဖြစ်ပါတယ်။ ကာတာရဲ့ တခုတည်းသော မြို့ကြီးဖြစ်တဲ့ ဒိုဟာမှာ ဘောလုံးပွဲအတွက် အားကစားရုံ ၈ ခု ရှိလာမှာ ဖြစ်ပြီး ဘောလုံးပွဲအကြီးအကျယ် ကျင်းပတဲ့ အသေးဆုံးနိုင်ငံ ဖြစ်လာမယ်လို့ ရိုက်တာ သတင်းဌာနက ဖော်ပြပါတယ်။