Muristek
ရုရှား၏သိမ်းပိုက်ခံ မာရီယူပိုးမြို့ ဒေသခံများ စားစရာနှင့်အဝတ်အထည် လဲလှယ်နေကြရ
ယူကရိန်းနိုင်ငံတောင်ပိုင်း မာရီယူပိုးမြို့ကို ရုရှားက သိမ်းပိုက်တာခံရအပြီး လမ်းတွေ ပြန်အသက်ဝင်နေတာကို မေ ၃၀ ရက်က တွေ့ရပါတယ်။ ဒေသခံတွေက မီးစက်တွေကနေ လျှပ်စစ်ပစ္စည်းတွေကို အားသွင်းနေပြီး လမ်းဘေးစျေးတွေမှာ စားစရာနဲ့ အဝတ်အထည်တွေကို လဲလှယ်နေကြပါတယ်။ စားနပ်ရိက္ခာအတွက် တန်းစီနေပုံကို ရုရှားအစိုးရ ရုပ်သံက ရိုက်ကူးထုတ်လွှင့်ခဲ့ပါတယ်။ ဆိုးဆိုးရွားရွား ပျက်စီးနေတဲ့ အဆောက်အအုံတွေဘေးမှာ ရုရှားလိုလားတဲ့ စစ်ပွဲရဲ့ သင်္ကေတ Z တံဆိပ် ခတ်နှိပ်ထားတဲ့ သေတ္တာတွေထဲမှာ မရှိမဖြစ် ကုန်စည်တွေကို ကောက်ယူနေတဲ့ ဒေသခံ တချို့ကိုလည်း တွေ့ရပါတယ်။ တခြားလူတွေကတော့ ဟင်းသီးဟင်းရွက်တွေနဲ့ ဖိနပ်တွေအပါအဝင် ကုန်စည်တွေကို ရောင်းချ လဲလှယ်ဖို့ သူတို့ ဆိုင်တွေကို ခင်းကျင်းနေကြပါတယ်။ မြို့ထဲမှာ လုယက်ခံရအပြီး ကုန်စည်နည်းနည်းသာ ကျန်တယ်လို့ အမျိုးသမီး တယောက်က ပြောပါတယ်။ […]
Most Read