ရခိုင်ပြည်နယ်၊ မောင်တောမြို့မြောက်ပိုင်း၊ ဦးရှဉ့်ဂျကျေးရွာရှိ နေအိမ် တအိမ်မှာ မေ ၃၀ ရက် မနက် ၁ နာရီလောက်က ဓားပြတိုက်ခံရပြီး အိမ်ရှင်ဖြစ်သူ သေနတ်ကျဥ်ထိမှန်ကာ ပြင်းထန်စွာ ဒဏ်ရာရလို့ မောင်တောဆေးရုံမှာ ဆေးကုသမူခံယူနေရတယ်လို့ မိသားစုဝင်တွေက ပြောပါတယ်။ ဓားပြတွေရဲ့ သေနတ်ပစ်ခံရတာကြောင့် ဦးရှဉ့်ဂျကျေးရွာ အမှတ် (၅) ရပ်ကွက်နေ အသက် ၅၈နှစ် အရွယ် ဦးနုရ်အာလောမ်(ဘ)ရော်ရှိတ်အာမတ် ညာဘက်ခြေ သေနတ်ကျည် တချက်ထိမှန် ဒဏ်ရာနဲ့ ဦးခေါင်းကွဲဒဏ်ရာတွေရခဲ့ကာ ဖုန်းတချို့၊ ငွေသားတချို့နဲ့ ရွှေထည်တချို့ကို ဓားပြတွေက ယူဆောင်သွားပါတယ်။ ဓားပြတိုက်ခံရတဲ့ ဦးနုရ်အာလောမ်ရဲ့ သားဖြစ်သူက “ဒီနေ့ မနက်အရုဏ်မှာ ကျနော်တို့ နေအိမ်ကို ဓားပြ ၈ ယောက် အိမ်တံခါးကို ရိုက်ချိုးပြီး ဝင်လာကြတယ်တယ်။ ကျန် ၄ […]