ဟောင်ကောင်၊ ထိုင်းနဲ့ စင်ကာပူကုန်သည်ကြီးများအသင်းတို့ဟာ မြန်မာစစ်တပ်ရဲ့ စစ်ထောက်ချုပ်ရုံးကို ရန်ပုံငွေထောက်ပံ့နေတဲ့ LOTTE ဟိုတယ်မှာ အခမ်းအနားတခုကို ပူးပေါင်းစီစဥ်နေပြီး အကြမ်းဖက်မြန်မာစစ်တပ်နဲ့ သူ့ရဲ့လုပ်ငန်းစုကြီးတွေနဲ့ ဆက်နွှယ်မှုတွေကို ဖြတ်တောက်ဖို့ Justice For Myanmar အဖွဲ့က တောင်းဆိုလိုက်ပါတယ်။ Joint Networking Event ဆိုတဲ့ အစီအစဉ်တခုကို လာမယ့် ဇွန် ၃ ရက်နေ့ ရန်ကုန်က LOTTE ဟိုတယ်မှာ ကျင်းပဖို့ရှိပြီး ဒီအစီအစဉ်ကို ဟောင်ကောင်၊ ထိုင်းနဲ့ စင်ကာပူ ကုန်သည်ကြီးများ အသင်းတို့ ပူးပေါင်းစီစဉ်တာဖြစ်ကာ ဟောင်ကောင် စီးပွားရေးနဲ့ ကုန်သွယ်ရေးရုံးက ပံ့ပိုးကူညီပေးနေတယ်လို့ ဆိုပါတယ်။ မြန်မာနိုင်ငံ တရုတ်ကုန်သည်ကြီးများအသင်း MCCOC ကတော့ အဲဒီအခမ်းအနားမှာ ပူးတွဲစီစဉ်သူအဖြစ်ကနေ နုတ်ထွက်ထားသလို အခမ်းအနားမှာလည်း မပါတော့ကြောင်း သိထားပြီး ကျန်တဲ့ […]