ရုရှားအစိုးရဟာ ကမ္ဘာ့ကုန်သွယ်ရေးအဖွဲ့ (WTO) နဲ့ ကမ္ဘာ့ကျန်းမာရေးအဖွဲ့ကြီး (WHO) အပါအဝင် နိုင်ငံတကာ အဖွဲ့အစည်းတွေကနေ နုတ်ထွက်ဖို့ စဉ်းစားနေတယ်လို့ ရုရှား ဒူးမားလွှတ်တော် ဒုဥက္ကဋ္ဌ ပျယ်တာ တော်စတွိုင်းကို ကိုးကားပြီး ရိုက်တာသတင်းဌာနက မေ ၂၅ ရက်မှာ ကြေညာပါတယ်။ နိုင်ငံတကာ အဖွဲ့အစည်းတွေဟာ ရုရှားအပေါ် ကျင့်သုံးရမယ့် တာဝန်တွေကို လျစ်လျူရှုထားတယ်လို့လည်း သူက မေ ၂၃ ရက်မှာ ပြောခဲ့ပါတယ်။ အဲဒီ နိုင်ငံတကာ အဖွဲ့အစည်းတွေရဲ့ တရားဝင် စာရွက်စာတမ်းတွေကို ရုရှားရဲ့ လက်ရှိအကျိုးစီးပွားနဲ့ ကိုက်ညီမှုရှိမရှိ သိနိုင်ရေး အကဲဖြတ်ဖို့ လွှတ်တော်မှာ သက်ဆိုင်ရာ ကော်မတီတွေ ဖွဲ့ဖို့ စီစဉ်နေတယ်လို့လည်း တော်စတွိုင်းက ပြောပါတယ်။ ရုရှား-ယူကရိန်း ပဋိပက္ခနောက်ပိုင်းမှာ အမေရိကန်၊ ဥရောပသမဂ္ဂနဲ့ ဂျပန် […]