နာမည်ဆိုးနဲ့ ကျော်ကြားခဲ့တဲ့ ဖိလစ်ပိုင်အာဏာရှင် မားကို့စ်ရဲ့ သားဖြစ်သူ ဖာဒီနန် မားကို့စ် ဂျူနီယာကို ဖိလစ်ပိုင်သမ္မတသစ်အဖြစ် အောက်လွှတ်တော် ပူးတွဲအစည်းအဝေးက မေ ၂၅ ရက်မှာ ကြေညာလိုက်ပါတယ်။ မားကို့စ်ဟာ မိခင်ဖြစ်သူ သမ္မတကတော်ဟောင်း အီမယ်ဒါ မားကို့စ်ကြောင့် နိုင်ငံရေးစင်မြင့်ပေါ် ရောက်လာခဲ့တာပါ။ ဘောင်ဘောင်လို့ လူသိများတဲ့ မားကို့စ်ဟာ ဇွန် ၃၀ ရက်မှာ လက်ရှိသမ္မတ ရိုဒရီဂို ဒူဒါတေဆီကနေ သမ္မတရာထူးကို လွှဲယူပြီး ၂၀၂၈ ခုနှစ်ထိ သမ္မတတာဝန်ကို ထမ်းဆောင်မှာဖြစ်ပါတယ်။ ဒူဒါတေရဲ့ သမီးဖြစ်သူ ဆာရာ ဒူဒါတေ ကာပီယိုကတော့ သူ့ရဲ့ ဒုသမ္မတ ဖြစ်လာမှာပါ။ မားကို့စ်ဟာ အသက် ၆၄ နှစ်ရှိပြီဖြစ်ပြီး ရွေးကောက်ပွဲမှာ မဲစုစုပေါင်းရဲ့ ၅၈ ဒသမ ၇၇ ရာခိုင်နှုန်းရှိ […]