ယူကရိန်းဘက်က ရပ်တည်ကြခြင်း အရှေ့ ဥရောပတိုက်က ယူကရိန်းနိုင်ငံကို ရုရှားစစ်တပ်က ၂၀၂၂ ခုနှစ်၊ ဖေဖော်ဝါရီ ၂၄ ရက်နေ့ကစပြီး ကြည်း၊ ရေ၊ လေ အင်အားအလုံးအရင်းနဲ့ ဝင်ရောက်ကျူးကျော် တိုက်ခိုက်နေတာ အခု ဧပြီ ၂၄ ရက်မှာ ၂ လပြည့်ပါပြီ။ အစောပိုင်းတုန်းကတော့ အဝေးကြီးကနေ ဒုံးကျည်တွေနဲ့ပစ်၊ လေကြောင်းကနေ ဗုံးတွေ တန်ပေါင်းများစွာ ကြဲချပြီး လေကြောင်းစိုးမိုးမှု ရယူထားတဲ့ အင်မတန်ကြီးမားအားကောင်းတဲ့ ရုရှားစစ်တပ်က ယူကရိန်းနိုင်ငံကို တပတ်အတွင်းမှာ သိမ်းပိုက်နိုင်လိမ့်မယ်လို့ နိုင်ငံတကာ အစိုးရတွေ၊ စစ်ရေးကျွမ်းကျင်သူတွေက ခန့်မှန်းထားခဲ့ကြတာပါ။ ဒါပေမဲ့ သမ္မတ ဇလန်းစကီး (Volodymyr Zelenskyy) ရဲ့ ဦးဆောင်မှုအောက်က ယူကရိန်းတပ်မတော်နဲ့ ယူကရိန်းပြည်သူတွေရဲ့ အညံ့မခံ တုံ့ပြန်ရင်ဆိုင်မှုက ရုရှားစစ်တပ်ကြီးနဲ့ နိုင်ငံတကာ အကဲခတ်တွေကို […]