ရုရှားတပ်က တိုက်ခိုက်နေတဲ့ ယူကရိန်းအပိုင် မာရီယူပို ဆိပ်ကမ်းမြို့ အရေးကို ဆွေးနွေးဖို့ ယူကရိန်းဘက်က ရုရှားဘက်ကို ကမ်းလှမ်းထားပါတယ်။ ယူကရိန်းသမ္မတရုံးက အကြံပေး ၂ ယောက်က အဆိုပြုချက်ကို ရုရှားဘက်ကို ပို့ထားတဲ့ အကြောင်း ဧပြီ ၂၅ ရက်နေ့မှာ ပြောပါတယ်။ ယူကရိန်းဘက်က အဆိုပြုချက်တွေထဲမှာ အပစ်ရပ်စဲရေး၊ လူသားချင်း အကူအညီပေးနိုင်ရေး လမ်းကြောင်းဖွင့်ဖို့ ကိစ္စတွေ ပါဝင်ပါတယ်။ ဒါပေမဲ့ ရုရှားနိုင်ငံက ကုလသမဂ္ဂဆိုင်ရာ အကြီးတန်း သံတမန် တဦးက ယူကရိန်းနဲ့ အပစ်ရပ်ဖို့ အချိန်မရောက်သေးဘူးလို့ ပြောပါတယ်။ ရုရှားဟာ ယူကရိန်းအရှေ့ပိုင်းကို အပြည့်အ၀ ထိန်းချုပ်နိုင်ဖို့ စစ်ဆင်ရေး ဒုတိယအဆင့်အဖြစ် မာရီယူပိုမြို့အပါအဝင် မြို့ကြီးတွေကို တိုက်ခိုက်နေတာပါ။ ဧပြီ ၂၅ ရက်ကလည်း ယူကရိန်းအရှေ့ပိုင်းမြို့တမြို့ ဖြစ်တဲ့ ခါကိဗ်မြို့မှာ […]