ထိုင်းမြောက်ပိုင်း၊ ချင်းမိုင်ခရိုင်မှာ ဧပြီ ၂၁ ရက်ညက မိုးသက်လေပြင်း ကျရောက်ပြီး ဆာရဖီးမြို့ထဲက နေအိမ်အချို့ ပျက်စီးခဲ့ရသလို သက်တမ်းရင့်သစ်ပင်ကြီးတွေ၊ လမ်းဘေးဓာတ်တိုင်တွေ၊ ဆိုင်းဘုတ်ကြီးတွေလည်း ပြိုကျပျက်စီးခဲ့ပါတယ်။ မိုးသက်လေပြင်းမှာ မနေ့ ညနေ ၆ နာရီခွဲကျော်က စတိုက်ပြီး ၇ နာရီလောက်မှ ပြန်လည်ငြိမ်သက်သွားပေမဲ့ ဆာရဖီးမြို့ ချိုင်းယဆထန်အုပ်စု ရပ်ကွက် ၅ မှ နေအိမ် ၂ လုံး ၊ ကား ၃ စီး နဲ့ မော်တော်ဆိုင်ကယ် ၁ စီး ၊ သက်တမ်းရင့်သစ်ပင်ကြီးနဲ့ အုတ်တံတိုင်းတွေပါ ကျိုးကျပျက်စီးခဲ့ပါတယ်။ ဒါ့အပြင် ရပ်ကွက် ၈ ထဲမှာလည်း သစ်သီးဝလံပင်တွေ ကျိုးကျလို့ အိမ်ခေါင်မိုး ပျက်စီးတာတွေရှိကြောင်း၊ ဓာတ်တိုင်တွေ လဲကျလို့ တညလုံး လျှပ်စစ်မီးပြတ်တောက်ခဲ့တယ်လို့ […]