Muristek
ပထမကမ္ဘာစစ်မတိုင်မီ မွေးတဲ့ ဥရောပ ကဗျာဆရာတွေထဲမှာ ကျနော် စိတ်ဝင်တစားဖြစ်မိတာ နှစ်ဦး ရှိတယ်။ တစ်ဦးက အင်္ဂလန်မြေ ဝေလနယ်သား “ဒီလန်တောမတ်စ်”၊ နောက်တစ်ဦးက “အိုစစ် မင်ဒယ်စတန်း”။ ဒီလန်တောမတ်စ်က ရုရှားက ရဟူဒီကဗျာဆရာ အိုစစ်မင်ဒယ်စတန်းထက် ၂၃ နှစ်ငယ်တယ်။ ဒါပေမဲ့ သူတို့နှစ်ဦး ရေးသွားတဲ့ ကဗျာတွေထဲမှာ သင်္ကေတယူပုံ တထပ်တည်းကျတဲ့ ကဗျာနှစ်ပုဒ် ရှိနေတယ်။ နှစ်ယောက်စလုံးက အာဏာရှင်ကို ဖော်ညွှန်းတဲ့ သင်္ကေတအဖြစ် လူ့လက်ချောင်းတွေကို အသုံးပြုဖော်ပြရေးဖွဲ့သွားတာ တွေ့ရတယ်။ ဒါကြောင့်မို့ သူတို့နှစ်ယောက်ကို ကျနော် စိတ်ဝင်စားတာပါ။ ပထမ “အိုစစ် မင်ဒယ်စတန်း” ရဲ့ ကဗျာကို ကြည့်ကြရအောင်။ စတာလင်ဘွဲ့ကဗျာ ငါတို့ ဒီတိုင်းပြည်ကြီးရဲ့ အောက်မှာ ခံစားမှုမဲ့ နေထိုင်ကြ။ ခြေလှမ်းဆယ်လှမ်းမပြည့်မီ တို့စကားတွေ ပျောက်သွားကြရ။ […]
Most Read