ရှမ်းပြည်တောင်ပိုင်း၊ လွိုင်လင်ခရိုင်၊ နမ့်စန်မြို့နယ်၊ နောင်ဟီးကျေးရွာအုပ်စုထဲမှာ စစ်ကောင်စီက ကင်းတပ်စခန်းသစ်တခု တည်ဆောက်ဖို့ ရွာသားပေါင်း ၁၀၀ ကျော် အတင်းအဓမ္မ အလုပ် ခိုင်းစေခံခဲ့ရတယ်လို့ ရှမ်းလူ့အခွင့်အရေးမဏ္ဍိုင် (SHRF) အဖွဲ့က ဧပြီ ၁၉ ရက်မှာ ထုတ်ပြန်ပါတယ်။ ပြီးခဲ့တဲ့ မတ် ၂၈ ရက်က စစ်ကောင်စီရဲ့ ခလရ ၅၅၃ လက်အောက်ခံ တပ်သား ၃၅ ယောက်ဟာ နောင်ဟီးကျေးရွာအုပ်စု၊ နမ့်မိုရွာဘုန်းတော်ကြီးကျောင်းမှာ စခန်းချခဲ့ကြောင်း၊ အဲဒီညမှာပဲ ရွာသူကြီးကိုခေါ်ယူပြီး ရွာသားတွေရဲ့ အိမ်ထောင်စုစာရင်းနဲ့ လူဦးရေ စစ်ဆေးကာ တအိမ်ထောင် ၁ ဦးကျ သူတို့တပ်စခန်းကို ၃ ရက်အတွင်း ပြီးအောင်ဆောက်ပေးဖို့ ခိုင်းစေခဲ့တာလို့ဆိုပါတယ်။ ဒါကြောင့် နမ့်မိုရွာသားစုစုပေါင်း ၁၀၆ ဦးကနေ ကတုတ်ကျင်းတူးတာ၊ သစ်ဝါးခုတ်တာ၊ ခြံစည်းရိုးကာတာတွေကို […]