အင်ဒိုပစိဖိတ် ဒေသအတွင်း ပူးပေါင်းဆောင်ရွက်ရေးအတွက် အမေရိကန်နဲ့ အိန္ဒိယနှစ်နိုင်ငံ ဝန်ကြီးအဆင့်အစည်းအဝေးကို ဧပြီ ၁၁ ရက်က အမေရိကန်နိုင်ငံ ဝါရှင်တန်မြို့တော်မှာ ကျင်းပခဲ့ပါတယ်။ ၁ နာရီကြာတဲ့ ရုပ်သံဆွေးနွေးပွဲအတွင်း နှစ်နိုင်ငံ ခေါင်းဆောင်တွေဟာ ယူကရိန်းစစ်ပွဲနဲ့ ပတ်သက်တဲ့ မတူခြားနားချက်တွေကို ဆွေးနွေးခဲ့ကြတာပါ။ အမေရိကန် နိုင်ငံခြားရေး ဝန်ကြီး အန်ထော်နီ ဘလင်ကန်၊ အမေရိကန် ကာကွယ်ရေး ဝန်ကြီး လွိုဒ် အော်စတင်၊ အိန္ဒိယပြည်ပရေးရာ ဝန်ကြီး ဆူဘရာမန်ယမ် ဂျိုင်ရှန်ကာ နဲ့ အိန္ဒိယ ကာကွယ်ရေး ဝန်ကြီး ရာဂျ်နာ့သ် ဆင်းဂ်တို့ ပါဝင် ဆွေးနွေးခဲ့ပါတယ်။ ယူကရိန်း စစ်ပွဲ၊ ကိုဗစ်-၁၉ ကပ်ဘေး အဆုံးသတ်ရေး၊ ရာသီဥတု အကြပ်အတည်း၊ လွတ်လပ် ပွင့်လင်း ဒီမိုကရေစီနည်းလမ်းကျပြီး လုံခြုံကြွယ်ဝတဲ့ အာရှ […]