ကရင်ပြည်နယ်၊ မြဝတီခရိုင်၊ ဝေါလေမြိုင်မြို့နယ်ခွဲ၊ ကွီးချဲဖော့ရွာမှာ ဧပြီ ၈ ရက် နေ့လယ်က စစ်ကောင်စီတပ်က တောင်ယာလုပ်တဲ့ ကရင်ရွာသား ၂ ယောက်ကို ပစ်သတ်သွားတယ်လို့ ဒေသခံတွေထံက သိရပါတယ်။ အဆိုပါ ပစ်သတ်ခံရတဲ့ ရွာသားနှစ်ယောက်ဟာ မော်ပိုးကလိုရွာသားတွေဖြစ်ပြီး သူတို့ရွာကနေ ကွီးချဲဖော့ရွာကို လယ်ထွန်စက်နဲ့အသွား လမ်းခရီးမှာ စစ်ကောင်စီလှည့်ကင်းနဲ့တွေ့ပြီး ပစ်သတ်သွားတာလို့ နယ်မြေခံရွာသားတယောက်က ပြောပါတယ်။ သေဆုံးသူ ရွာသား နှစ်ယောက်ဟာ အသက် ၄၀ ကျော် ၅၀ ဝန်းကျင်အရွယ်တွေဖြစ်ပြီး အလောင်းတွေ့သူတွေက ရွာကို ပြန်ပေးတဲ့အတွက် နေ့တွင်းချင်းပဲ သင်္ဂြိုဟ်လိုက်တယ်လို့လည်း သိရပါတယ်။ ကရင်ပြည်နယ် မြဝတီခရိုင် ဝေါလေမြိုင်ဒေသမှာ ကေအန်ယူလက်အောက်ခံ KNLA နဲ့ KNDO ပူးပေါင်းတပ်တွေနဲ့ စစ်ကောင်စီတပ်တွေ မကြာခဏတိုက်ပွဲဖြစ်ပွားနေတာဖြစ်ပြီး စစ်ကောင်စီတပ်တွေ […]