ရခိုင်ပြည်နယ်၊ စစ်တွေမြို့မှာ ၂၀၁၇ ခုနှစ် မတ်လက စတင်တည်ဆောက်နေတဲ့ မေယုစျေးသစ်ကြီး ဒီနေ့အထိ မပြီးသေးတာကြောင့် စျေးဆိုင်တွေ အခက်တွေ့နေကြတယ်လို့ သိရပါတယ်။ “သူတို့က လ ၃၀ နဲ့ အပြီးဆောက်လုပ်မယ် ပြီးစီးတာနဲ့ ကျနော်တို့ရဲ့ မူလစျေးဆိုင်တွေကို အခမဲ့ ပေးမယ်ဆိုပြီး ကတိခံဝန် စာချုပ်ချုပ်ဆိုထားတာရှိတယ်။ အခုဆိုယင် ၅ နှစ်ကျော်နေပြီ မပြီးနိုင်သေးဘူး။ မိုးရာသီရောက်တော့မယ်။ အခုယာယီဈေးမှာ အခက်အခဲမျိုးစုံနဲ့ ရင်ဆိုင်နေရတယ်” လို့ လောကနန္ဒာဘုရား ရင်ပြင်အနီးရှိ ယာယိမ်မေယုစျေးမှာ ရောင်းချနေရတဲ့ စျေးသည်ဟောင်းတဦးက ပြောပါတယ်။ မေယုစျေးဟောင်းရှိ စျေးဆိုင် ၁၄၀ ကျော်ဟာ စစ်တွေမြို့ လောကနန္ဒာပုထိုးတော်ကြီးရဲ့ ဧရိယာထဲမှာ ယာယီဈေးတည်ဆောက်ကာ ရောင်းချနေကြရပြီး အခက်အခဲမျိုးစုံ ရင်ဆိုင်နေကြရတယ်လို့ စျေးသည်တွေက ပြောပါတယ်။ မေယုစျေးသည်တဦးက “ဒီယာယီဈေးမှာ လျှပ်စစ်မီးမရှိတော့ […]