မွန်ပြည်နယ် ရေးမြို့နယ် စံပြကျေးရွာအတွင်း ဈေးဝယ်ဖို့လာတဲ့ စစ်ကောင်စီတပ်ဖွဲ့ဝင်အချို့ တိုက်ခိုက်ခံရတာကြောင့် ၂ ဦး သေဆုံးခဲ့တယ်လို့ သိရပါတယ်။ ဧပြီ ၂ ရက်နေ့ မနက် ၇ နာရီခွဲလောက် အရပ်ဝတ်နဲ့ စံပြရွာအတွင်း ဈေးဝယ်ဖို့လာတဲ့ စစ်ကောင်စီတပ်သား ၄ ဦးကို ကေအန်ယူ တပ်မဟာ (၆) တပ်ရင်း (၁၆) ဌာနချုပ်တပ်ခွဲမှ ကွန်မန်ဒို တပ်သား ၂ ဦးက ပြောက်ကျားနည်းနဲ့ ပစ်ခတ်ခဲ့တာလို့ ရေးပြောက်ကျားအဖွဲ့ YGF က ထုတ်ပြန်ထားပါတယ်။ ဖြစ်စဉ်အတွင်း စစ်ကောင်စီတပ်က ၂ ဦး အခင်းဖြစ်နေရာမှာ သေဆုံးသွားပြီး ကျန်နှစ်ဦးကတော့ ဒဏ်ရာတွေနဲ့ ထွက်ပြေးသွားကြတယ်လို့ ဆိုပါတယ်။ စံပြဘုရားကုန်းပေါ်မှာ နေရာယူထားတဲ့ စစ်ကောင်စီတပ်က ၄၀ မမ နဲ့ ပစ်ခတ်ခဲ့ပေမယ့် […]