အင်္ဂလန်တိုက်စစ်မှူး ဟယ်ရီကိန်းဟာ ဆွစ်ဇာလန်နဲ့ပွဲမှာ ၁ ဂိုးသွင်းခဲ့ပြီးနောက် အင်္ဂလန်အသင်းသမိုင်းတလျှောက် ဒုတိယသွင်းဂိုးအများဆုံး ကစားသမားဖြစ်လာခဲ့ပါတယ်။ မနေ့ညက ကစားခဲ့တဲ့ခြေစမ်းပွဲမှာ အင်္ဂလန်အသင်းက ၂ ဂိုး ၁ ဂိုးနဲ့ ဆွစ်ဇာလန်ကို အနိုင်ရခဲ့ပြီး ဟယ်ရီကိန်းက ပင်နယ်တီကန်တဆင့် အနိုင်ဂိုးသွင်းခဲ့တာပါ။ အဲဒီသွင်းဂိုးဟာ အင်္ဂလန်အသင်းအတွက် ၄၉ ဂိုးမြောက်ဖြစ်ခဲ့ပြီး အင်္ဂလန် အသင်းသမိုင်တလျှောက်မှာ ဒုတိယဂိုးသွင်းအများဆုံးသွင်းယူထားတဲ့ ဆာဘော်လီချာတန်ရဲ့ သွင်းဂိုးမှတ်တမ်းကို လိုက်မီခဲ့ပါတယ်။ အင်္ဂလန်လက်ရွေးစင်အသင်းသမိုင်းမှာ ဂိုးသွင်းအများဆုံး ကစားသမားအဖြစ် ဝိန်းရွန်နီက စုစုပေါင်း ၅၃ ဂိုးနဲ့ စံချိန်တင်ထားပြီး ဟယ်ရီကိန်းက ၄ ဂိုးသာ လိုအပ်ပါတော့တယ်။ “ဘယ်လိုအခိုက်အတန့်မှာမဆို ရရှိလာတဲ့ အခွင့်အရေးတိုင်းကို အသုံးချနိုင်ဖို့ လိုတယ်။ ပင်နယ်တီဆိုတာ သွင်းဂိုးမှတ်တမ်းတွေရဖို့ အကောင်းဆုံးအခွင့်အရေးတခုဖြစ်တယ်။ အဲဒီအတွက် အကောင်းဆုံးလည်း လေ့ကျင့်ပြင်ဆင်ခဲ့တယ်။ သွင်းဂိုးအရေအတွက် ဒုတိယအများဆုံး […]