အင်္ဂလန်လက်ရွေးစင်အသင်းနည်းပြ ဆောက်ဂိတ်ဟာ နိုင်ငံတကာ ခြေစမ်းပွဲနှစ်ပွဲအတွက် အသင်း ၂၅ ဦး လူစာရင်းကို မနေ့က ထုတ်ပြန်ခဲ့ရာမှာ ခံစစ်မှူး မက်ဂွိုင်းယားကို ဆက်လက်ရွေးချယ်ခဲ့ပါတယ်။မက်ဂွိုင်းယားဟာ မန်ယူအသင်းခံစစ်မှာ အမှားအယွင်း များနေတာကြောင့် ဝေဖန်ခံနေရပြီး လက်ရွေးစင်အသင်းမှာ မရွေးချယ်သင့်ကြောင်း သုံးသပ်မှုတွေ ရှိနေတာပါ။နည်းပြ ဆောက်ဂိတ်ကတော့ မက်ဂွိုင်းယားဟာ ပြီးခဲ့တဲ့နှစ်တွေအတွင်းမှာ အသင်းရဲ့ အကောင်းဆုံး ဗဟိုနောက်ခံလူတဦးဖြစ်ပြီး သူ့ကို အသင်းကနေ မရွေးချယ်ဘဲ ချန်လှပ်ဖို့ မစဉ်းစားခဲ့ဖူးဘူးလို့ သတင်းစာရှင်းလင်းပွဲမှာ ပြောလိုက်ပါတယ်။မက်ဂွိုင်းယားကို ရွေးချယ်မှုအတွက် အမြဲတမ်း ဝေဖန်ခံရပေမယ့် သူ့ကို မရွေးချယ်ဖို့ လုံလောက်တဲ့ပြစ်ချက် မရှိကြောင်းလည်း နည်းပြ ဆောက်ဂိတ်က ပြောပါတယ်။နည်းပြ ဆောက်ဂိတ်ဟာ ဗဟိုခံစစ်မှူးနေရာအတွက် မက်ဂွိုင်းယားကို ရွေးချယ်ခဲ့သလို ခရစ္စတယ်ပဲလေ့ နောက်ခံလူ ဂူဟီနဲ့ အာဆင်နယ်နောက်ခံလူ ဘင်ဝှိုက်တို့ကိုလည်း ရွေးချယ်ခဲ့ပါတယ်။အသက် ၂၉ […]