တူနီရှားမှာ သမ္မတကိုင်စ်ဆေးဒ်ရဲ့ အာဏာရှင်ဆန်မှုနဲ့ စီးပွားရေး စီမံခန့်ခွဲမှု ညံ့ဖျင်းမှုကို မတ် ၁၃ ရက်နေ့က လူထောင်ချီ ဆန္ဒပြခဲ့ပါတယ်။ ဆန္ဒပြပွဲကို သဘောထားတင်းမာတဲ့ Free Constitutional Party က ဦးဆောင်ခဲ့တာပါ။ ပြီးခဲ့တဲ့နှစ်က သမ္မတကိုင်စ်ဆေးဒ် အာဏာရယူကတည်းက အကြီးမားဆုံး ဆန္ဒပြပွဲဖြစ်ပြီး လွှတ်တော်ကို ဗီတိုအာဏာနဲ့ ချယ်လှယ်နေတာကြောင့် အတိုက်အခံအုပ်စုတွေက သမ္မတကိုင်စ်ဆေးကို အာဏာရှင်လို့ စွပ်စွဲနေတာပါ။ ဒါပေမဲ့ ဆန္ဒပြပွဲကို ဦးဆောင်တဲ့ပါတီနဲ့ ပါတီခေါင်းဆောင် အာဘီမော်စီကလည်း ဒီမိုကရေစီစနစ်ကို လိုလားထောက်ခံသူ မဟုတ်ပါဘူး။ ၂၀၁၁ မှာစခဲ့တဲ့ တူနီရှားဒီမိုကရေစီ အသွင်ကူးပြောင်းမှုကနေ နောက်ကြောင်းပြန်ပြီး အာဏာရှင်ဟောင်း ဇိုင်အလ်အဘီဒင်းဘန်အလီ ရဲ့ ခေတ်ကို ပြန်သွားချင်နေတာပါ။ မော်စီနဲ့ သူ့ရဲ့ပါတီက အခြား အတိုက်အခံပါတီတွေနဲ့လည်း အဆင်မပြေပါဘူး။ လက်ရှိ တူနီရှားမှာ […]