ဝေသာလီပြည်ကို ဘီလူးတွေ ဝင်စီးသလို နိုင်ငံရဲ့အချုပ်အခြာအာဏာ ၃ ရပ်ကို လက်နက်အားကိုး အစွယ်အားကိုးနဲ့ လုယူခဲ့ကြတဲ့ စစ်ဘီလူးတွေဟာ သူတို့ကို မဆန့်ကျင်ရဲအောင် လက်သည်း အားကိုး၊ အစွယ်အားကိုးနဲ့ သရဲမရဲစီးပြီး သတ်ဖြတ်ဖမ်းဆီး ညှဉ်းပန်းခြောက်လှန့်ခဲ့တာ တနှစ်ကျော်သွားပေမဲ့ မြန်မာပြည်သူလူထုဟာ အကြောက်အလှန့် လုံးဝမရှိတော့တဲ့အပြင် စစ်ဘီလူးတွေရဲ့ အစွယ်သွားတွေကို တစ်ချောင်းပြီး နောက်တချောင်း ညီညွတ်ရဲရင့်စွာ ရိုက်ချိုးလာခဲ့ကြပါတယ်။ ၁။ စစ်ဘီလူး အုပ်ချုပ်ရေးအာဏာအစွယ် ရိုက်ချိုးခြင်း သတ္တိရှိရာမှာ ကမ္ဘာကပါ အလေးထား စံတင်လာရတဲ့ သိတတ်နားလည်ရဲရင့်ကြတဲ့ မြန်မာပြည်သူတွေဟာ စစ်ဘီလူးတွေရဲ့ အာဏာအစွယ်ကို ဇွဲနပဲကြီးစွာ အနာခံပြီး ပထမဆုံး ရိုက်ချိုးခဲ့ပါတယ်။ ဘယ်တော့မှ အုပ်ချုပ်လို့ မရစေရ၊ ဒါ ငါတို့မြို့ ငါတို့ ဆူချင်ဆူမယ်၊ ငြိမ်ချင်ငြိမ်မယ် ဆိုတဲ့ ကြွေးကြော်သံတွေနဲ့ အာဏာလုစစ်ဘီလူးတွေရဲ့ […]