ရုရှားတို့ ကျူးကျော်ဝင်ရောက်ပြီးနောက် ယူကရိန်းရဲ့ ဒေသအတော်များများမှာ လောင်စာဆီ၊ ငွေကြေးနဲ့ ဆေးဝါးတွေ ပြတ်လပ်နေပြီး၊ လူပေါင်း ၅ သန်းလောက် နိုင်ငံခြားထွက်ခွာသွားနိုင်တယ်လို့ ကုလသမဂ္ဂအကူညီပေးရေး အဖွဲ့အစည်းတွေက ခန့်မှန်းပါတယ်။ ဖေဖော်ဝါရီ ၂၄ ရက်က ရုရှားတပ်တွေ စတင်ထိုးစစ်ဆင်လာချိန်မှာ လူ ၁ သန်းကျော် ယူကရိန်းကနေ ထွက်ခွာသွားခဲ့ပါပြီ။ နောက်ထပ် ထောင်သောင်းချီပြီး အိမ်နီးချင်း ပိုလန်၊ ရိုမေးနီးယား၊ မော်လ်ဒိုဗာ နိုင်ငံတွေကို နေ့စဉ်ဝင်ရောက်နေကြတယ်လို့ ကုလသမဂ္ဂဒုက္ခသည်အေဂျင်စီနဲ့ UNICEF တို့က ထုတ်ပြန်ပါတယ်။ UNICEF အဖွဲ့ ဥရောပဆိုင်ရာပြောရေးဆိုခွင့်ရှိသူ အက်ဖ်ရှန်ခန်က ပိုလန်ကို ယူကရိန်းဒုက္ခသည် ၁ သန်းနဲ့ ၃ သန်းကြား ရောက်လာဖို့ မျှော်လင့်ထားပြီး တခြားအိမ်နီးချင်းနိုင်ငံတွေကို ၁ သန်းနဲ့ ၅ သန်းကြား ရောက်ဖို့ […]