စစ်တွေ တက္ကသိုလ်အတွင်းမှာရှိတဲ့ တက္ကသိုလ် ကျောင်းသားသမဂ္ဂရုံးနဲ့ ဆရာများ သမဂ္ဂရုံးခန်းတွေကို ဖေဖော်ဝါရီ ၂၇ ရက် နောက်ဆုံးထားပြီးဖယ်ရှားပေးဖို့ စစ်ကောင်စီဩဇာခံ တက္ကသိုလ်အာဏာပိုင်တွေက ဖိအားပေးနေတယ်လို့ စစ်တွေတက္ကသိုလ် ကျောင်းသားသမဂ္ဂ တာဝန်ရှိသူတွေက ပြောပါတယ်။ ဖေဖော်ဝါရီလ ၂၅ ရက်နေ့က စစ်တွေတက္ကသိုလ် အာဏာပိုင်တွေက စစ်တွေတက္ကသိုလ် ကျောင်းသားသမဂ္ဂက တာဝန်ရှိသူတချို့နဲ့ ဆရာများသမဂ္ဂ ကတာဝန်ရှိသူတွေကို ခေါ်ယူတွေ့ဆုံပြီး လက်ရှိရုံးခန်းအဖြစ်အသုံးပြုနေတဲ့ RC(1) နဲ့ RC(2) အဆောင်တွေကို Rest Center အဖြစ် အသုံးပြုမှာဖြစ်လို့ ဖေဖော်ဝါရီ ၂၇ ရက် နောက်ဆုံးထားပြီးဖယ်ရှားပေးဖို့ ပြောတာလို့ ဆိုပါတယ်။ အဲဒီလို ဖယ်ရှားခိုင်းခဲ့ပေမဲ့ သမဂ္ဂရုံးခန်းတွေအတွက် နေရာအစားထိုးပေးဖို့ အထက်က ညွှန်ကြားထားတာမရှိဘူးလို့ ပြောဆိုခံခဲ့ရတယ်လို့လည်း စစ်တွေတက္ကသိုလ် ကျောင်းသားများ သမဂ္ဂ ဥက္ကဋ္ဌက […]