အာဖဂန်နစ္စတန်နိုင်ငံတောင်ပိုင်းရှိ ရေတွင်းတခုထဲပြုတ်ကျနေတဲ့ကလေးကို အာဏာပိုင်တွေနဲ့ ကယ်ဆယ်ရေးအဖွဲ့တွေက ဝိုင်းဝန်းကယ်ဆယ်ဖို့ ကြိုးစားပေမဲ့ ၃ ရက်အကြာမှာ ကလေး သေဆုံးခဲ့ပါတယ်။ အသက် ၅ နှစ်ရှိ ကလေးငယ်ဟာ စားစရာလှည့်လည်ရောင်းရင်း ဖေဖော်ဝါရီ ၁၆ ရက် ဗုဒ္ဓဟူးနေ့က ရေတွင်းထဲ ပြုတ်ကျခဲ့တာပါ။ ဒေသခံတွေ ဝိုင်းဝန်းကယ်ဆယ်ပေမဲ့ ရေတွင်းထဲမှာ ညပ်နေတာကြောင့် အသက်ဆုံးရှုံးခဲ့တာပါ။ အာဖဂန်နစ္စတန်ရှိ ကုလသမဂ္ဂကလေးများအဖွဲ့နဲ့ UNICEF တို့က ကယ်ဆယ်ရေးအဖွဲ့တွေကို ကျေးဇူးတင်ကြောင်း တွစ်တာပေါ်မှာ ရေးထားပါတယ်။ ဒီလအစောပိုင်း မော်ရိုကိုနိုင်ငံမြောက်ဘက်မှာ အသက် ၅ နှစ် ကလေးငယ်တဦး ရေတွင်းထဲပြုတ်ကျပြီး ၅ ရက်အကြာမှာ သေဆုံးခဲ့ပါတယ်။ ဖေဖော်ဝါရီ ၁၇ ရက်က အိန္ဒိယမြောက်ပိုင်း မင်္ဂလာဆောင်တခုမှာလည်း ရေတွင်းအဖုံးပေါ် တက်ထိုင်သူ အမျိုးသမီးတွေနဲ့ ကလေးတွေအပါအဝင် ၁၃ ဦး […]