မက္ကဆီကို အာဏာပိုင်တွေဟာ အမေရိကန်နယ်စပ်အနီး ရာချီတဲ့ ရွှေ့ပြောင်းနေထိုင်သူတွေရှိရာ နိုင်ငံမြောက်ပိုင်းက ယာယီစခန်းတွေကို ဖေဖော်ဝါရီ ၆ ရက်က ရှင်းလင်းခဲ့ပါတယ်။ ရွှေ့ပြောင်းနေထိုင်သူ အယောက် ၄၀၀ နီးပါးကို နယ်စပ်မြို့ တီဟွာနာအနားက ခိုလှုံရေးစခန်း ၃ ခုဆီ ဘတ်စ်ကားတွေနဲ့ လွှဲပို့ပေးခဲ့တယ်လို့ မြို့တော်ဝန် မွန်ဆီရတ် ကာဘယ်လေရိုက ပြောပါတယ်။ သူတို့ တီဟွာနာမှာ နေချင်သည်ဖြစ်စေ၊ လာရာနိုင်ငံဆီကို ပြန်ချင်သည်ဖြစ်စေ ကူညီမယ်လို့ မြို့တော်ဝန်က ကတိပြုထားပါတယ်။ အမျိုးသားအစောင့်တပ်က စစ်သည်တွေ အပါအဝင် ဒါဇင်ချီတဲ့ လုံခြုံရေးတပ်ဖွဲ့ဝင်တွေက စခန်းတွေကိုဖျက်ပြီး သံဇကာတွေနဲ့ ကာနေတာကိုလည်း တွေ့ရပါတယ်။ မက္ကဆီကို နိုင်ငံထဲမှာ တရားဝင်နေဖို့ စာရွက်စာတမ်းတွေကို တောင်ပိုင်းနယ်စပ်မှာ ရှိနေတဲ့ ရွှေ့ပြောင်းနထိုင်သူ အယောက် ၂ ထောင်နီးပါးအတွက် ထုတ်ပေးတဲ့ လုပ်ငန်းစဉ် […]