ကချင်ပြည်နယ်၊ ဖားကန့်မြို့နယ်၊ နန့်ယားတောင်ပိုင်း မာနော့မှော်ကျေးရွာဘက်မှာ ကေအိုင်အေနဲ့ စစ်ကောင်စီတပ်တို့ တိုက်ပွဲပြင်းထန်နေပြီး စစ်ကောင်စီဘက်က လေယာဉ်နဲ့ လာရောက်ပစ်ခတ်ခဲ့တယ်လို့ ဒေသခံတွေက ပြောပါတယ်။ တိုက်ပွဲပြင်းထန်နေတဲ့ မာနော့မှော်ဘက်ကို မွန်းလွဲပိုင်းက စစ်ကောင်စီတပ်ဂျက်လေယာဉ် ၂စီး၊ ရဟတ်ယာဉ် ၁ စီးနဲ့ လာရောက်ပစ်ခတ်ခဲ့ပြီး နန့်ယားရှိ စစ်ကောင်စီတပ်စခန်းကလည်း လက်နက်ကြီးနဲ့ ပစ်ခတ်မှုတွေ ရှိနေတယ်လို့ ဆိုပါတယ်။ “တိုက်ပွဲကမနေ့က ညနေ ၅ နာခွဲလောက်ကတည်းက ဖြစ်တာ။ ညကနားပြီး မနက်ပိုင်း ၇ နာရီလောက်မှာ ပြန်တိုက်ကြတာ။ နေ့လယ် ၁၂ လောက်က လေယာဉ်နဲ့ လာပစ်ကြတာ။ အစက ဂျက်လေယာဉ် ၂ စီး ဟုတ်တယ်။ နောက်မှာ ရဟတ်ယာဉ် ၁ စီးနဲ့ ပြန်လာပစ်တယ်။ နန့်ယားက စစ်ကောင်စီတပ်စခန်းကလည်း အဲ့တိုက်ပွဲဖြစ်တဲ့ဘက်ကို […]