စစ်ကိုင်းတိုင်း၊ ယင်းမာပင်မြို့နယ်နဲ့ ဆားလင်းကြီးမြို့နယ်တို့မှာ ဇန်နဝါရီ ၃၀ ရက်နေ့က ဒေသခံပြည်သူတွေ နေအိမ်နဲ့ပစ္စည်းတွေကို စစ်ကောင်စီတပ်ဖွဲ့က ဖျက်ဆီးခဲ့ကြပြီး စိတ်ကျန်းမာရေးမကောင်းတဲ့ အပြစ်မဲ့ ပြည်သူ ၁ ဦးကိုလည်း ဖမ်းဆီးခေါ်ဆောင်သွားတယ်လို့ သိရပါတယ်။ ယင်းမာပင်မြို့နယ်နဲ့ ဆားလင်းကြီးမြို့နယ် မုံရွာ-ပုသိမ် ကားလမ်းတစ်လျှောက်မှာရှိတဲ့ နေအိမ်တွေ ဖျက်ဆီးခံခဲ့ရတာလို့ ဒေသခံတွေက ပြောပါတယ်။ စစ်ကောင်စီတပ်ဖွဲ့တွေ ဝင်ရောက်ဖျက်ဆီးသွားတဲ့ နေအိမ်ပေါင်း ၆ လုံး ထက်မနည်းရှိပြီး ပစ္စည်းတွေကို မွှေနှောက်ရှာဖွေတာနဲ့ မီးရှို့တာတွေ ပြုလုပ်ခဲ့သလို ဆိုင်ကယ် ၃ စီးကိုလည်း ရိုက်နှက်ဖျက်ဆီးသွားကြတယ်လို့ ဆိုပါတယ်။ ဖမ်းဆီးခံရတဲ့ စိတ်ကျန်းမာရေးမကောင်းသူကတော့ မုံရွာ အမှတ် ၁ ရဲစခန်းကနေ ဇန်နဝါရီ ၃၀ ရက် ညပိုင်း ပြန်လည်လွတ်မြောက်လာခဲ့တယ်လို့ သိရပါတယ်။ စစ်ကောင်စီတပ်ဖွဲ့တွေဟာ ဇန်နဝါရီ ၃၀ […]