ကချင်ပြည်နယ် မြစ်ကြီးနားမြို့အတွင်းက စျေးဆိုင်တွေမှာ ရောင်းချနေတဲ့ စစ်တပ်ထုတ်ကုန် ဘီယာဖာ ၂၀၀ ကျော်ကို ကေအိုင်အိုက ဇန်နဝါရီ ၂၄ရက်နေ့က ဖျက်ဆီးခဲ့တယ်လို့ ဒေသခံတွေက သိရပါတယ်။ ကေအိုင်အိုက စစ်ကောင်စီပိုင်ထုတ်ကုန်တွေဖြစ်တဲ့ ဘီယာတွေကို ရောင်းချ သယ်ဆောင်တာ မပြုလုပ်ဖို့ စာထုတ်ပြန်ပြီးနောက်မှာ ရောင်းချနေတဲ့ စျေးဆိုင်တွေက ဘီယာတွေကို အခုရက်ပိုင်း ဆက်တိုက် ဖျက်ဆီးအရေးယူနေတာ ဖြစ်ပါတယ်။ မြစ်ကြီးနားခရိုင်အတွင်း စစ်ကောင်စီရဲ့ ကျောထောက်နောက်ခံ အကျိုးတူလုပ်ငန်းဖြစ်တဲ့ ဘီယာတွေကို ဇန်နဝါရီ ၁၀ ရက်နေ့ နောက်ဆုံးထားပြီး သယ်ယူပို့ဆောင်တာ၊ ရောင်းဝယ်ဖောက်ကားတာ မပြုလုပ်ဖို့ မြစ်ကြီးနားခရိုင် ကေအိုင်အိုက ဇန်နဝါရီ ၄ ရက်နေ့က စာထုတ်ပြန်ခဲ့တာပါ။ စစ်တပ်ထုတ်ကုန် ဘီယာတွေကို ဇန်နဝါရီ ၁၀ ရက်နေ့ နောက်ဆုံးထားပြီး မရောင်းချဖို့ သတိပေးစာထုတ်ပြီးနောက် ဆက်လက်ရောင်းချနေတဲ့ […]